Pavlodar oblysynda aýyl turǵyndaryn aýyz sýmen qamtamasyz etý maqsatynda 7,4 mlrd teńgege 25 joba qarjylandyrylady, dep habarlaıdy pavlodarnews.kz. Bul týraly oblys ákimi Bolat Baqaýov jyldyń qorytyndy jınalysy barysynda málim etti.
«Jelezın aýdanyna qarasty Aqqaıyń jáne Krýpskoe aýyldarynda sý qubyrynyń qurylysyn júrgizý maqsatynda qujattary ázirlendi. Eger aýldyń turǵyndary 200-den az bolsa, onda izdestirý barlaý jumystary júrgizilmeıdi. Jalpy, oblystaǵy 31 tirek aýyldyń 10-y ǵana ortalyqtandyrylǵan aýyz sýmen jabdyqtalǵan. Mysaly, Ertis aýdany Belovod toptyq sý qubyrynyń qujattary óz ýaqytynda daıyndalmaǵandyqtan qurylys jumystary kesh júrgizildi. О́zderińiz biletindeı, ótken aptada ǵana sý qubyrlarynyń alǵashqy kezegi aýlaǵa deıin engizildi», - deıdi Bolat Baqaýov.
Aımaq basshysynyń aıtýynsha, aýdan ákimdigi 2014 jyldan beri 14 aýyldyń aýylishilik jelileriniń jobalyq smetalyq qujattaryn áli aıaqtamaı otyr. Qazirgi ýaqytqa deıin Ertis aýdanynda Aqbet jáne Qostomar aýyldaryna ǵana eki shaqyrymdyq magıstral tartylǵan. Elimizde aýyldardyń 51.5 paıyzy ortalyq sýmen qamtamasyz etý júıesine qosylǵan bolsa, Pavlodar oblysynda bul kórsetkish 19.2 paıyzdy quraıdy. Aýyldyq eldi mekenderdi sýmen qamtamasyz etý taqyrybynda ótken jıyn barysynda Pavlodar oblysynda aýyldyq aımaqtardyń 78 paıyzy ǵana aýyz sýmen qamtylǵany anyqtalǵan. Oblys ákimi Premer-Mınıstrden úsh jylǵa respýblıkalyq bıýdjetten 15,1 mıllıard teńge bólinýi úshin ótinishti tolyq qoldaýdy surady.
Aımaq basshysynyń boljamy boıynsha bul sýmen qamtamasyz etý boıynsha kórsetkishti 29 paıyzǵa deıin arttyryp, 47 myń adamdy sapaly sýmen qatmamasyz etýge múmkindik beredi.