Almaty qalasynda Jańa jyl qarsańynda estrada juldyzdarynyń qatysýymen Respýblıka alańynda konsert ótedi, dep habarlady qala ákimdiginiń baspasóz qyzmeti. Merekelik baǵdarlama 22:00-de bastalady.
"Respýblıka alańy 31 jeltoqsan kúni saǵat 20:00-den bastap 1 qańtar túngi saǵat 01:00-ge deıin jabylady. Saǵat 22:00-de konsert bastalady. Oǵan Aqylbek Jemeneı, Janna Orynbasarova, Abaı Begeı, "Alan" toby bastaǵan qazaq estrada juldyzdary qatysady. Konsert túngi saǵat 23:52-ge deıin bolady", delingen habarlamada.
Saǵat túngi 12-ge qaraı alańǵa Aıaz Ata men Aqshaqar keledi. Al 23:58-de QR Prezıdenti Nursultan Nazarbaevtyń quttyqtaýy kórsetiledi. Konsert bitken soń kelýshiler merekelik otshashý tamashalaı alady.