Qaıta jandanǵan kásiporyn

Arqa óńirindegi kendi atyrap Qaraǵandy qalasyndaǵy «Tau-Ken-Temir» JShS-niń jumy­sy 2014 jyldan bastap qaı­ta jandandy. Esterińizge salsaq, bunyń aldyn­da zaýyt «Silicium Kazakhstan» ataýymen belgili edi. Alaıda, ón­di­ris tóńiregindegi daý-damaılarǵa baılanysty oǵan jumysyn toqtatýǵa týra kel­gen. Kásiporynnyń qaıta iske qosylýy úshin memleket tara­py­nan kómek kórsetilip, «Taý-Ken Samuryq» ulttyq taý-ken kompanııasy 1,4 mlrd teń­ge bólgen bolatyn. Búginde zaýyt jumysynyń nátıjesi jyl­dan jylǵa artyp keledi. Tolyq­qandy ón­di­r­is­tik qýatqa keler jyldan qol jetkizbek. Bıyldyń ózinde óndiris oshaǵy 19,5 myń tonna tehnıkalyq kremnıı shyǵaratyn bolady. Bul byltyrǵymen salystyrǵanda eki ese kóp. Qoldanylatyn ón­diris quraldary nemis kompanııa­sy usynǵan sońǵy tehnologııa­lar­men jasalǵan. Al qajetti shıki­zat «Aqtas» kvars shyǵarý ken ornynan tasymaldanady. Jez­qazǵannan 130 shaqyrymda orna­lasqan bul jerdiń qorynda 4 mln tonna kvars bar. Kásiporynnyń qaıta túleýi óńir turǵyndaryn jumys­pen qamtýda úlken septigin tıgiz­di. Qazirgi ýaqytta zaýytta 364 adam eńbek etedi. Ár­qaısysy joǵary bilikti mamandar ári olardyń bilimin shyńdaý maqsatynda birqatar jumystar iske asyrylyp jatyr. Aıta ketý kerek, burynǵy kásiporynnyń qyzmetkerleri de jumyssyz qalǵan joq. Máselen, TS boıynsha jetek­shi ınjener Sergeı Korobko óndiris ornynyń negizi qalan­ǵaly jumys jasaıdy. – Zaýyt iske qosylǵaly beri jumys jasaǵandyqtan, salystyra alamyn, qazir burynǵymen sa­lys­­tyrǵanda jumys jasaý úshin áldeqaıda qolaıly jaǵ­daı jasalady, áleýmettik turǵydan alǵan­da da isimiz ońǵa basýda. Jumyskerler úshin tıimdi bolǵandyqtan shyǵar, 70 pa­ıyzǵa jýyq maman buryn­ǵy kásiporynnan ornalasty. Ola­r­dyń bilimin jetildirýge bas­shy­lyq tarapynan árdaıym qol­daý kórsetiledi. Bárimiz de bir maqsatty ustanamyz, ol – nátı­jeli eńbek etý. Qazirgi ýaqytta basty josparymyz – ózindik quny barynsha tómen ónim óndirý. Bul, árıne bizdiń de materıaldyq tur­ǵydan alǵanda ósýimizge tikeleı septigin tıgizedi, – deıdi ol. Búginde kásiporyn ISO-9001 halyqaralyq mendjment sapasy júıesiniń talaptaryna jaýap bere alady. Shyǵarylatyn ónimge berilgen joǵary baǵa aldaǵy ýaqytta sheteldik naryqqa shyǵýǵa jol ashty. О́ndiris ordasynyń basqarma basshysy Murat Júkenov «qazirgi ýaqytta daıyn ónimniń 50 paıyzǵa jýyǵy Soltústik Amerıkaǵa, 40 paıyzy Eýropaǵa, qalǵany Reseı men Belarýs memleketterine tasymaldanady», deıdi. Sonymen qatar, ol aldaǵy jyly zaýytty 21-23 myń tonna ónim shyǵaratyn óndiristik qýatqa shyǵarýdy jos­parlaıtyndaryn jetkizdi. Álemdik naryqta elimizde óndiriletin kremnııge degen su­ra­nys joǵary. Buǵan bir­den-bir sebep, onyń joǵa­ry teh­­no­logııalar úshin qa­jet­tigi. Qu­ry­­lystan bas­tap zamanaýı teh­nıkalyq qu­ryl­ǵylar óndi­risine deıin qol­danylady. Budan bólek, zaýyt bas­shyly­ǵy kezekti ınves­tısııalyq joba­ny iske asyrýǵa bilek sybana kiri­sý­de. Endigi kezekte olar óz óndi­ris­tik qaldyqtarynan ónim shy­ǵa­rý maqsatyn alǵa qoıǵan. Bul ká­sip­oryn­nyń qorshaǵan ortaǵa zııan­dy zattardy shyǵarýyn tejep, eko­logııaǵa barynsha az zalal kel­tirý­ge septigin tıgizerine senimdi. Qaırat JÚNISULY QARAǴANDY