Joǵary jyldamdyqty ınternetti paıdalanady

Oblystyń barlyq eldi meken­deri telefon baılanysymen jáne ınternetpen qamtylǵan. Alaıda, jyl saıyn baılanys qyzmetine degen suranys ta arta túsýde, aýyl­dyqtar joǵary sapaly baı­lanys qyzmetiniń keń spektrin paıda­lan­ǵysy keledi. Osyǵan baılanys­ty aýylda telekommýnıkasııa jeli­lerin jańǵyrtý jumystary júıe­li júrgizilýde. «Qazaqtelekom» AQ oblystyq fılıaly óńirde tele­kommýnıkasııa jelilerin jań­ǵyr­tý men damytý boıynsha ju­mys­tardy jalǵastyrýda. Jaqyn­da Mııaly (Atyraý oblysy), Oıyl (Aqtóbe oblysy) ýchaskesinde jańa baılanys qondyrǵysy paıdalanýǵa berildi. Bul Oıyl aýylynda usynylatyn baıla­nys qyzmetteriniń sapasyn art­tyrý­ǵa múmkindik berdi. «Opera­tor­lyq qosylýlar úshin jeli resýrs­taryn keńeıtý» jobasy aıa­syn­da «Mııaly-Oıyl» ýchas­kesin­de Pasolink 400 sandyq radıo­releli jeli ornatyldy. Jańa baı­lanys qondyrǵysy derekterdi berýdiń ótkizý qabiletin 400 Mbıt/s-ke deıin keńeıtýge múmkindik berdi. Atal­mysh jobany júzege asy­rý bóg­de ope­ra­torlarǵa usyny­la­tyn arna­lardyń ótkizý qabiletin ke­ńeıtýge alǵyshart jasaıdy jáne jańa qajettilikterdi qana­ǵat­tandyra alady. Jańa qondyrǵyny iske qosý abonentterge usynylatyn ınter­net jelisine keń jolaqty qosylý qyz­metiniń sapasyn jaq­sartý­ǵa jáne Oıyl aýylynda joǵary jyldamdyqty ınternet­ke jańa paıdalanýshylardy qosý­­ǵa múmkindik beredi. Júr­­gi­zil­­­gen jumystar nátı­jesin­de «Megaline Hit» tarıftik jos­pary­­nyń derekterdi berý jyldam­dyǵy beki­til­gen 4096 Kbıt/s jyl­dam­­dy­ǵymen sáıkestendirildi. Tele­­­kom­mý­nıkasııa jelilerin jań­ǵyr­tý jáne damytý boıynsha Oıylda júrgizilgen jumystar «WLL CDMA-450» tehnologııasy boıyn­sha symsyz baılanys sapa­syn jaqsartýǵa da yqpal etti. Satybaldy SÁÝIRBAI,  «Egemen Qazaqstan» Aqtóbe oblysy