Ádilet Imambekov – Garvard ýnıversıtetinde oqyǵan ári PhD qorǵaǵan alǵashqy qazaq. Onyń ǵylymı eńbekteri áli kúnge deıin ózekti.
Jas ǵalym 2012 jyly nebári 30 jasynda Tıan-Shan taýynda qaıtys bolǵan. Soǵan qaramastan, eńbekteri búginge deıin halyqaralyq ǵylymı ortada qoldanylyp keledi. Onyń Hırsh ındeksi – 26. Bul kórsetkish ǵalym eńbekterine basqa zertteýshiler qanshalyqty jıi silteme jasaıtynyn bildiredi. Iаǵnı onyń zertteýleri ǵylymǵa naqty paıda ákelip, ózge jumystarǵa negiz bolǵan. Mundaı deńgeıge kópjyldyq tájirıbesi bar professorlardyń ózi árdaıym jete bermeıdi. Á. Imambekovtiń zertteýleri ótkizgishtik, kvanttyq esepteý jáne jańa býyn elektronıkasy sııaqty bolashaq tehnologııalardyń teorııalyq negizin túsindirýge kómektesedi.