Atyraý oblysy boıynsha QR Tabıǵı monopolııalardy retteý jáne básekelestikti qorǵaý komıteti departamentindegiler habarlaǵandaı, «Teńizshevroıl» JShS aqparat usynbaǵany úshin ákimshilik jaýapkershilikke tartyldy, dep habarlady "Aq Jaıyq" basylymy.
Budan buryn departament TShO-ǵa básekelestikti qorǵaý salasynda QR zańnamasyn buzý belgileriniń bar-joǵyn anyqtaý maqsatynda (atap aıtqanda, adal básekelestikti saqtaý máselelerimen jete tanysý úshin) TShO-ǵa saýal joldaǵan bolatyn. Alaıda belgilengen merzimde jaýap ala almady. Sondyqtan kompanııaǵa qatysty QR ÁQBtK 162-baby («Monopolııaǵa qarsy organnyń nusqamasyn oryndamaý. Aqparat berý jónindegi mindettemelerdi buzý jáne úı-jaılar men aýmaqqa kirýge kedergi jasaý») boıynsha ákimshilik is qozǵaldy.
Atyraý qalalyq mamandandyrylǵan ákimshilik sotynyń qaýlysymen «Teńizshevroıl» JShS-ne 1600 AEK (3 393 600 teńge) aıyppul salyndy.