TJM qyzmetkerleri ótken jeti táýlik ishinde qar qursaýynda qalyp qoıǵan 100-ge jýyq adamdy evakýasııalady, dep habarlaıdy Egemen.kz.
Aýa raıynyń nasharlaýyna baılanysty TJM qutqarýshylary qar qursaýynan 96 adamdy, onyń ishinde 9 balany qutqaryp, sondaı-aq 18 avtokólikti shyǵardy.
Aıta keteıik, aýa raıynyń nasharlaýy týraly daýyldy eskertýler men avtojoldardyń jabylýy týraly aqparat halyqqa SMS-habarlamalar, TJM, aýmaqtyq bólimshelerdiń ınternet-resýrstary jáne áleýmettik jelileri arqyly jetkiziledi.
«TJM azamattardy saqtyq sharalaryn saqtaýǵa, daýyldy eskertýlerdi qadaǵalaýǵa jáne qolaısyz aýa raıy jaǵdaıynda alys saparlarǵa shyqpaýǵa shaqyrady. Aýyl turǵyndaryna aýa-raıynyń nasharlaýy jaǵdaıynda uzaq serýendemeýge keńes beredi», delingen vedomstvo habarlamasynda. Búgin aýa raıy qandaı bolady?