Atyraýlyq eriktiler ómirde túrli qıyndyqtarǵa kezdeskenderge qol ushyn sozady. Olar ózderiniń áreketterin jarnamalaı bermeıdi. Degenmen, jaqynda Atyraý turǵyndarynyń biri Aıaz Atanyń rólin oınap, eriktilermen birge birneshe otbasyna qoldaý kórsetý sharasyna qatysty, dep habarlady QazAqparat.
«Bul meniń ómirimdegi bolyp jatqan erekshe Jańa jyl. Qaırymdylyqqa óz qaltamyzdan qarjy jınaımyz. Oǵan azyq-túlik, kıimder men tátti taǵamdar alyp, kómekti qajet etetin zeınetkerlerdiń, jalǵyzbasty analardyń, kópbalaly otbasylardyń úılerine baryp, syılyq jasaımyz. Sóıtip, 31 jeltoqsan kúni saǵat tańǵy 10-da bastalǵan marafon 1 qańtar kúni túngi 2-lerge taman aıaqtaldy»,-dep jazdy Serik Ermentaev.
Onyń sózinshe, Jańa jyl túninde ertegilerdiń keıpine enip kıingen eriktilerdiń 9 komandasy tıisti mekenjaılarǵa baryp qaıtty.
«Biz 25 otbasyna kirip shyqtyq. Oǵan barlyǵy 30 adam qatysty. Ár komandada mindetti túrde Aıaz Ata men Aqshaqar bolýy kerek. Olar myqty komanda jáne maǵan osyndaı keremettiń kýási bolýǵa múmkindik jasaǵandaryńyz úshin zor alǵys»,-dedi ol.