28-shi Dúnıejúzilik qysqy ýnıversıadany ótkizýge respýblıkalyq bıýdjetten 109 mılllard teńge bólingen, dep habarlaıdy Almaty ákimdiginiń baspasóz qyzmeti.
Búgin Qazaqstan Respýblıkasy Premer-Mınıstriniń orynbasary, 28-shi Dúnıejúzilik qysqy Ýnıversıada-2017 uıymdastyrý komıtetiniń tóraǵasy Imanǵalı Tasmaǵambetov sport nysandarynyń daıyndyǵyn tekserip, kóshpeli keńes ótkizdi.
Almaty qalasynyń ákimi Baýyrjan Baıbek Ýnıversıadany ótkizý megopalıstiń damýyna, qyzmet kórsetý sapasyna aıtarlyqtaı yqpal etkenin aıtty.
Ákimniń aıtýynsha, Ýnıversıadany ótkizýge, Almatyda ınfraqurylymdy damytý men qurylysqa respýblıkalyq bıýdjetten 109 mlrd teńge bólingen.
«Ýnıversıada nysandaryn salý kezinde 1 550 Shaǵyn jáne orta bıznes ókilderi jumyspen qamtylyp, qurylys salasynda 30 myńnan asa jumys orny ashyldy. 9,2 mlrd teńge salyq tólendi. Ýnıversıadanyń operasııalyq daıyndyqtaryna 5 myń jumysshysy bar 200 kompanııa tartyldy, onyń 80 paıyzy almatylyqtar. Bıýdjetke túsken 12,3 mlrd teńgeniń 1,5 mlrd-y basqa salyqtardy eseptemegende, qosymsha qun salyǵy retinde qaıtady», - dedi Baýyrjan Baıbek.