Álemniń ozyq elderiniń úkimetteri 2017 jyly shamamen 7,7 trln dollardaı qaryzdy qaıtarýdyń joldaryn qarastyrýǵa tıis, dep jazady abctv.kz.
Birqatar memleket úshin tabaldyryqtan attaǵan jylda qaryz quny eselenedi, óıtkeni oblıgasııalar naryǵynda otyz jyl kóleminde boı kórsetken ósim trendiniń odan ári sharyqtaý múmkindigi taýsyldy, dep atap ótedi sarapshylar.
G7 jáne BRIK (Brazılııa, Reseı, Úndistan jáne Qytaı) elderi óteıtin veksel, nota men oblıgasııanyń kólemi (shamamen 7 trln dollardy quraıdy) bıyl 2016 jylǵy deńgeıden 8%-ǵa joǵary bolmaqshy. Bul týraly Bloomberg agenttiginiń málimetteri rastaıdy.
Atap aıtqanda, Qytaı bıyl 588 mlrd dollar qaryzdy qaıtarýǵa mindetti – bul aldyńǵy jylmen salystyrǵanda 132%-ǵa kóp. Pioneer Investment Management Ltd jáne Old Mutual Global Investors Ltd sekildi basqarýshy kompanııalar oblıgasııa naryǵynda quldyraý trendi oryn alady dep boljaıdy, ıa bolmasa naryqtyń bolashaǵy bulyńǵyr dep aıtýda. Olardyń pikirinshe, ınflıasııany yntalandyrý sharalary, sondaı-aq bıýdjettik yntalandyrý ekonomıkadaǵy ósimniń qozǵaýshy kúshi retindegi kredıttik-aqsha saıasatynyń birtindep ornyn basyp, ári qaraı memlekettik qundy qaǵazdardyń kirisin arttyrýǵa yqpal etedi.