Aımaqtarda kezdesý ótkizýde

Keshe aımaqtarda Májilis de­pý­tattarynyń saılaýshylarmen kezdesýleri bastaldy, dep habarlady osy palatanyń baspasóz qyzmeti. Parlamentshiler saılaýshylarǵa ózde­riniń zań shyǵarý qyzmeti, sonymen birge, Memleket basshysynyń «100 naqty qadam» Ult josparynda aıqyndaǵan tapsyrmalardy oryndaý joly týraly baıandaıdy. Barlyq úsh parlamenttik partııalardyń fraksııalary men Qazaqstan halqy Assambleıasynan saılanǵan Májilis de­pýtattarynyń saılaýshylarmen kez­de­sý­le­ri qańtardyń 4-i men 13-i ara­ly­ǵyn­da uıym­­dastyrylady. Kezdesýler oblys jáne aý­dan ortalyqtarynda ǵana emes, sonymen qatar, shaǵyn qalalar, aýyldar men shalǵaı aýyldarda da ótedi. Májilis depýtattary aımaqtardaǵy eń­bek ujymdarymen, jurtshylyqpen kezdesedi, azamattardy qabyldaý ótkizedi, sondaı-aq óndiristik jáne áleýmettik-mádenı nysandarǵa barady.