Dennıel Djeıkobstyń jattyqtyrýshysy Andre Roze amerıkalyqtyń 18 naýryz kúni Gennadıı Golovkındi jeńetinine esh kúmán keltirmeıdi. Bul týraly sports.kz habarlady.
«GGG Djeıkobstyń kúshinen qorqýy tıis. Ekeýiniń de nokaýt kórsetkishi birdeı. Al eger mán berip qaraıtyn bolsaq, Dennı jyldamyraq qozǵalady ári aıaǵymen de shapshań qımyldaıdy. Qazaqstandyqtyń soqqylarynan jasqanbaımyz. Qaıta biz qarsy shabýyldap, tez jaýap qaıtaratyn bolamyz», – dedi Roze.
«Biz 12 raýndtan keıin tóreshilerdiń sheshimimen jeńiske jetemiz degen oıdamyn. Eger bárin josparly túrde júzege asyrsaq, Gennadııdiń alǵashqy jeńilisine sebepshi bolamyz», – dedi Djeıkobstyń bapkeri.
Buǵan deıin Dennıel Nıý-Iorkte ótetin jekpe-jekte jeńiske jetip, qarsylasynyń barlyq belbeýin tartyp alýǵa shamasy jetetinin aıtqan. Al Golovkınniń jattyqtyrýshysy Abel Sanches óz kezeginde onyń jeti raýndtan uzaqqa shydaıtynyna kúmánmen qaraıtynyn málimdegen bolatyn.