Qypshaq dalasynda kindigi kesilip, qysyl-taıań kezeńde quldyqqa satylyp, keıin Mysyrdy basqarǵan Sultan Beıbarysty bilmeıtin adam kem de kem. Biraq Arab saharasynda ámirin júrgizgen qypshaqtar Beıbaryspen shektelmeıdi. Odan keıin bılikke Hasan, Qalaýyn, Qaıtpaı sekildi sultandar keldi, dep jazady Habar24.
Máselen, 1348-1361 jyldary taqta otyrǵan Sultan Hasanǵa arnalyp salynǵan meshit, ári medrese. Sáýleti tańdaı qaqtyrady. Búginde Kaırge kelgen qaı qonaq bolmasyn munda bas suqpaı ketpeıdi.
"Sultan Hasan meshit-medresesi tek Kaırde emes, sonymen birge Islam álemindegi eń úlken meshitterdiń biri. Ǵımarattyń uzyndyǵy - 150 metr. Al bıiktigi 36 metrge jetedi. Meshit - Mámlúk sáýlet óneri jaýharlarynyń biri. O basta ol jobalanǵanda Islamnyń tórt mazhabynyń jeke aýmaqtary bolatyndaı etip bólingen. Beıbarystan soń Mysyrdy uldary Berke men Salamysh basqardy. Odan keıin bılikke qaısarlyǵymen kózge túsken Qalaýyn keldi. Ol 1260 jyly trıpolı mańyndaǵy krestshilerdiń qamalyn alýda asqan erlik kórsetip, el senimine kirgen edi. Kaırdiń qaq ortasyndaǵy Sultan Qalaýyn meshiti búginge deıin baıaǵy báz qalpynda saqtalǵan. Saıahatshy Sapar Ysqaqov Mysyrdaǵy quldan sultan bolǵan qypshaq babalarymyzdyń erligi men júrip ótken jolyn óskeleń urpaq bilýi tıis," - deıdi Sultan Hasan meshit-medresesiniń qyzmetkeri Mustafa Shákım.
"Maqtanyshpen aıtýǵa bolady, bizdiń babalarymyz, ıaǵnı qypshaq mámlúkteri úlken tarıhta arab eliniń ádebıeti men mádenıetinde úlken iz qaldyrdy. Ony bizdiń jastar bilý kerek, qadirleý kerek. Maqtanyshpen aıtyp júrý kerek Tarıhı derekke súıensek, qypshaqtan shyqqan 25 sultan arab elin 130 jyldaı basqarǵan. Beıbarystan bastap Tumanbaıǵa deıingi sultandar mysyr jerin qyzǵyshtaı qorydy. Biraq eshqaısysy ata jurty qazaq dalasymen baılanys úzgen emes. О́tken dáýirdiń kózine aınalǵan Mysyrdaǵy tarıhı jerlerdiń syryna tereńirek úńiletin bolsaq, qazaqqa qatysty basqa da qundy málimetter shyǵyp qalýy ǵajap emes," - deıdi saıahatshy Sapar Ysqaqov.