Japonııalyq avtokonsern júrgizýshimen qarym-qatynas jasap otyratyn kólik jasap shyǵardy, - dep habarlaıdy Autonews.ru.
Toyota kompanııasy Concept-i atty jańa konsept usyndy. Kólik Las-Vegasta dástúrli túrde ótetin tutynýshylyq elektronıka kórmesinde tanystyryldy. Kóliktiń dızaıny da erekshe, onyń syrt kelbetimen Calty Design Research Toyota stýdııasy aınalysty.
Jańa kólik Yui jasandy ıntellektimen jaraqtandyrylǵan. Tehnologııa únemi jetilip otyrady jáne kólik ıesine yńǵaıyna qaraı ózgerip otyrady. Mysaly, kólik baǵyttardy este saqtap, turaqtaǵy oryn úshin aldyn ala tólem jasaı alady nemese baratyn orynǵa barynsha yńǵaıly ádis tańdaıdy. Sonymen qatar, jańa júıe júrgizýshiniń densaýlyǵy men kóńil-kúıin baqylap otyrady.
Prototıpte qurylǵylar paneli joq, barlyq aqparat aldyńǵy terezege shyǵarylady. Concept-i júrgizýshiniń kóńil-kúıi men tańdaýyna baılanysty salon túsin ózdigimen aýystyra alady. Arnaıy panel arqyly ol joldaǵy ózge júrgizýshilerge belgi berip, olardy joldyń jaǵdaıy, qaýipti jol bóligi men jol kólik oqıǵalary jaıynda eskerte alady.
Kólik ózin avtonomdy túrde basqara alady. Al Concept-i kóligin basqarýdy júrgizýshi óz qolyna alǵan kezde Yui keńes berý qyzmetin iske qosady.
Munyń aldynda Toyota jasandy ıntellekt jasap shyǵarýǵa bir mıllıard dollar jumsaýdy josparlap otyrǵany belgili bolǵan edi. Jasandy ıntellekt jasaýshy kompanııa AQSh-taǵy Sılıkon jazyǵynda ornalasyp, Toyota Research Institute degen ataý alady. Kompanııa Stenford ýnıversıteti jáne Massachýsets tehnologııalyq ınstıtýtymen birigip jumys isteıtin bolady.