Qytaı Halyq Respýblıkasynyń azamattaryna arnalǵan arnaıy toptyq vızanyń aıasynda Shyǵys Qazaqstan oblysyna bir jylda 4,5 myń týrıst kelgen, dep habarlaıdy QazAqparat.
«2016 jyldyń basynan beri Shyǵys Qazaqstan oblysyna toptyq vıza aıasynda 4,5 myń qytaılyq týrıst barǵan. Alǵash ret Qytaı halyq respýblıkasynyń «barýǵa bolatyn el» degen baǵasyn aldyq. Oblystyń 11 týroperatory osy baǵytta jumys istep keledi. Jylyna Qytaı Halyq Respýblıkasynan tórt týrıstik top keldi», - dedi Qazaqstannyń óńirlerin damytý jónindegi Eýropalyq odaqtyń arnaıy jobasynyń ashylý saltanatynda ShQO ákimdiginiń týrızm jáne syrtqy baılanysar basqarmasy bólim basshysynyń mindetin atqarýshy Kámıla Luqpanova.
Esterińizge sala keteıik, Qazaqstan Respýblıkasyna keletin QHR azamattaryna jeńildetilgen toptyq vıza berý týraly kelisimge 2015 jyldyń 14 jeltoqsanynda qol qoıylǵan bolatyn. Qazir Qazaqstan boıynsha 63 týrıstik operator qytaı azamattaryn osy júıemen qabyldaýǵa quqyly.