Búgin Shymkentte alǵash ret birlesken Qazaqstan-Túrkııa ınvestısııalyq 3 kúndik forýmy bastaldy, dep jazady oblys ákimdiginiń baspasóz qyzmeti.
О́ńirimizge sheteldik ınvestısııalardy kóptep tartýǵa baǵyttalǵan sharaǵa 200-ge jýyq túrkııalyq delegattar men qazaqstandyq 300 kásipker qatysýda. Delegattar quramynda kósh bastaǵan Túrik Keńesi Bas hatshysynyń orynbasary Omer Kodjaman men Túrkııa Respýblıkasy Ulttyq ekonomıka mınıstriniń keńesshisi Taryk Sonmez, Ankara qalasy meriniń keńesshileri Ramazan Kabasakal, Mehmed Alı Arslan jáne Sakarııa provınsııasynyń saýda-ónerkásip palatasynyń basqarma tóraǵasy Mahmýd Kosemýsýl jáne densaýlyq saqtaý, ekonomıka mınıstrliginiń ókilderi men kásipkerler syndy jaýapty tulǵalar bar. Sonymen birge, forým jumysyna OQO ákimi Janseıit Túımebaev, QR Investısııalar jáne damý mınıstrliginiń ınvestısııalar Komıtetiniń Tóraǵasy Saparbek Tuıaqbaev jáne salaǵa qatysty jaýapty jetekshiler men kásipkerler qatysýda.
Forýmda túrkııalyq ınvestorlarǵa óńir ekonomıkasy men ınvestısııalyq ahýaly jáne ınvestısııalarǵa qatysty QR-nyń memlekettik baǵdarlamalary tanystyrlady. Sondaı aq, munda eki jaqty iskerlik toptar arasyndaǵy saýda-ekonomıkalyq qarym-qatynastardy jandandyryp, nyǵaıtatyn iskerlik baǵdarlama retinde V2V kezdesýlerge basymdyq beriletin bolady.
Ońtústik óńirine arnaıy kelgen túrik kásipkerlerine alǵysyn bildirgen óńir basshysy J.Túımebaev bul forýmnyń Elbasynyń keshegi «Qazaqstannyń úshinshi jańǵyrýy: jahandyq básekege qabilettilik» atty Joldaýynda aıtylǵan mindetterdi oryndaýdaǵy negizgi alǵysharttardyń biri ekenin atap ótip, jıynnyń mańyzdylyǵyna toqtaldy. Sonymen qatar, ol Túrkııa Qazaqstannyń saıası jáne ekonomıkalyq turǵydaǵy eń jaqyn jáne senimdi seriktesine aınalǵanyn aıtyp, búgingi eki jaqty kezdesýdiń jemisti bolaryna senim bildirdi.
Aqpan aıynyń 1-3 aralyǵynda ótetin qazaq-túrik ınvestısııalyq forýmy aıasynda «OQO-nyń ınvestısııalyq áleýeti» taqyrybyndaǵy konferensııadan bólek, Ońtústik Qazaqstan oblysynyń ınvestısııalyq jobalarynyń, taýar óndirýshileriniń, damý ınstıtýttarynyń jáne týrıstik jobalarynyń kórmesi, sonymen qatar, OQO-nyń negizgi týrıstik baǵyttary boıynsha aqparattyq týrlar ótkizý josparlanýda.
Naqtyraq aıtqanda, 2 aqpan kúni «Kórme» ortalyǵynda 80-nen astam otandyq taýar óndirýshileri men týrızm salasynyń, OQO damý ınstıtýttary men óńirdegi ınvestısııalyq jobalardyń birlesken kórmesi túrik kásipkerleriniń nazaryna usynylyp, týrıstik saladaǵy B2B formatynda ekijaqty kezdesýler ótedi. Al 3 aqpanda túrik delegattary «Shymkent-Otyrar-Túrkistan» týrıstik baǵyty boıynsha jolǵa shyǵyp, tarıhı jerlerge saıahattaıdy dep josparlanýda.