"Bank SentrKredıt" aksıonerlik qoǵamynyń Kookmin Bank jáne International Financial Corporation satyp jatqan aksııalaryn "Sesnabank" AQ, "Sesna" Qarjy holdıngi" AQ jáne Baqytbek Baıseıitov satyp alyp jatyr. Bul týraly aqparat KASE saıtynda paıda boldy.
"Baǵaly qaǵazdary Qazaqstan qor bırjasynyń (KASE) resmı tiziminde turǵan "Bank SentrKredıt" AQ (Almaty), Qazaqstan qor bırjasyna (KASE), INTERNATIONAL FINANCE CORPORATION jáne KOOKMIN BANK CO LTD aksıonerleri "Bank SentrKredıt" AQ tıesili aksııalaryn satý úshin tıisti satyp alýshylardy tańdady dep habarlady", - delingen habarlamada.
Tańdalǵan satyp alýshy retinde "Sesnabank" AQ, "Sesna" Qarjy holdıngi" AQ jáne Baqytbek Baıseıitov kórsetilgen.
Endi bul kelisimdi QR Ulttyq banki maquldaýy kerek. Ieler aýysymy 2017 jyldyń ekinshi toqsanynda aıaqtalady dep kútiledi.