Reseı aýmaǵynan kóshken antısıklon saldarynan elimizdiń basym bóliginde kún sýytady, - dep habarlaıdy "Qazgıdromet" RMK.
Aıdyń basynda jáne kelesi aptanyń ishinde belsendi sıklondardyń áserinen aýa-raıynyń buzylýy: jaýyn-shashyn (elimizdiń ońtústiginde, ońtústik-shyǵysynda jáne shyǵysynda), - respýblıkanyń soltústik bóliginde jeldiń 15-25 m/s deıin kúsheıedi jáne burqasyn, ońtústik bóliginde tuman jáne kóktaıǵaq bolady dep kútilýde.
3-6 aqpanda jáne aıdyń ortasynda Qazaqstan aýmaǵy boıynsha Reseıdiń Eýropalyq bóliginen sýyq antısıklonnyń aýysýy bulttardyń seıilýin jáne temperatýranyń tómendeýine alyp keledi. Soltústik bólikte túnde 22-32 gradýsqa deıin aıaz, kúndiz 15-22 aıaz, al ońtústik bólikte túnde 10-20 gradýsqa deıin aıaz, kúndiz mınýs 5-15 bolady.
Uzaq merzimdi boljamǵa sáıkes úshinshi onkúndiktiń basynda da sýyq bolady dep kútilýde, bul sýyq antısıklonnyń kelýimen baılanysty. Qalǵan kúnderi belsendi sıklondardyń qosylýymen jáne olarmen baılanysty frontaldy bóliktermen aýa-raıy jańbyrly, bultty bolady.
Nátıjesinde aıdyń ortasha aýa temperatýrasy Pavlodar, Shyǵys Qazaqstan, Almaty, Jambyl, Ońtústik Qazaqstan, Qyzylorda oblystarynda jáne Qaraǵandy oblysynyń basym bóliginde klımattyq shekte, al respýblıkanyń qalǵan bóliginde normadan 1°S-qa tómen bolady.
Aılyq jaýyn-shashyn kólemi Atyraý, Mańǵystaý, Qyzylorda, sondaı-aq Batys Qazaqstan, Aqtóbe, Qaraǵandy, Jambyl, Ońtústik Qazaqstan oblystarynyń basym bóliginde normadan tómen; qalǵan aýmaqta - norma sheginde bolady dep boljanyp otyr.