2011 jylǵy 5 tamyz, Astana qalasy
«Memlekettik ataýly áleýmettik kómek alýǵa úmitker adamnyń (otbasynyń) jıyntyq tabysyn esepteýdiń erejesin bekitý týraly» Qazaqstan Respýblıkasy Eńbek jáne halyqty áleýmettik qorǵaý mınıstriniń 2009 jylǵy 28 shildedegi № 237-ó buıryǵyna ózgeris engizý týraly
«Memlekettik ataýly áleýmettik kómek týraly» 2001 jylǵy 17 shildedegi Qazaqstan Respýblıkasynyń Zańyna sáıkestikke keltirý maqsatynda buıyramyn:
1. «Memlekettik ataýly áleýmettik kómek alýǵa úmitker adamnyń (otbasynyń) jıyntyq tabysyn esepteýdiń erejesin bekitý týraly» Qazaqstan Respýblıkasy Eńbek jáne halyqty áleýmettik qorǵaý mınıstriniń 2009 jylǵy 28 shildedegi № 237-ó buıryǵyna (Normatıvtik quqyqtyq kesimderdi memlekettik tirkeýdiń tizilimine № 5757 bolyp tirkeldi, 2009 jylǵy 11 qyrkúıekte, № 138 (1561) «Zań gazeti» gazetinde jarııalandy) mynadaı ózgeris engizilsin:
kórsetilgen buıryqpen bekitilgen Memlekettik ataýly áleýmettik kómek alýǵa úmitker adamnyń (otbasynyń) jıyntyq tabysyn esepteýdiń erejesinde:
2-tarmaq mynadaı redaksııada jazylsyn:
«Otbasynyń jıyntyq tabysyna osy Qaǵıdanyń 2-taraýyna sáıkes aqshalaı nemese zattaı nysanda alǵan turǵyn úı jáne memlekettik ataýly áleýmettik kómekten, Qazaqstan Respýblıkasy Úkimetiniń 2011 jylǵy № 316 qaýlysymen bekitilgen Jumyspen qamtý 2020 baǵdarlamasy sheńberinde beriletin yntalandyrýshy tólemderdeń basqa memlekettik ataýly áleýmettik kómekke ótinish bergen toqsannyń aldyndaǵy toqsandaǵy (budan ári – esepti kezeń) tabysynyń barlyq túrleri qosylady.
Yntalandyrýshy tólemder – Jumyspen qamtý 2020 baǵdarlamasy sheńberinde jumyspen qamtýǵa járdemdesýdiń belsendi sharalaryna qatysatyn jeke tulǵalarǵa tólenetin aqshalaı qarajat (stıpendııalar; oqý ornyna deıin jáne keri jol júrýine jáne jataqhanada turýyna nemese turǵyn úıdi jalǵa alýmen (jalǵa alýmen) baılanysty shyǵyndardy óteýge sýbsıdııalar; bıýdjet qarajaty esebinen sýbsıdııalanatyn jumyspen qamtýǵa járdemdesýdiń belsendi sharalaryna qatysatyn jeke tulǵalar jalaqysynyń bóligi; kóshýge beriletin sýbsıdııalar).
Ýákiletti organ ótinish berýshiniń kelisimimen tabystardy Qazaqstan Respýblıkasy Eńbek jáne halyqty áleýmettik qorǵaý mınıstrliginiń «Zeınetaqy tóleý jónindegi memlekettik ortalyǵy» respýblıkalyq memlekettik qazynalyq kásipornynyń derekqorymen salystyryp tekseredi.».
2. Áleýmettik kómek jáne halyqty jumyspen qamtý departamentteri osy buıryqtyń belgilengen tártippen Qazaqstan Respýblıkasynyń Ádilet mınıstrliginde memlekettik tirkelýin jáne onyń keıinnen resmı jarııalanýyn qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Eńbek jáne halyqty áleýmettik qorǵaý vıse-mınıstri S. Á. Ahmetovke júktelsin.
4. Osy buıryq 2012 jylǵy 1 qańtardan bastap qoldanysqa engiziledi.
Qazaqstan Respýblıkasy Eńbek jáne halyqty áleýmettik
qorǵaý mınıstriniń mindetin atqarýshy T. DÚISENOVA
Buıryq Qazaqstan Respýblıkasynyń Ádilet mınıstrliginde 2011 jylǵy 25 tamyzdaǵy Normatıvtik quqyqtyq kesimderdi memlekettik tirkeýdiń tizilimine №7144 bolyp engizildi.