Jaqyn arada Qazaqstanda óndirilgen avtokólikterdiń baǵasy arzandaýy múmkin. Bul týraly О́nerkásip jáne qurylys mınıstri Ersaıyn Naǵaspaev málimdedi, dep habarlaıdy Egemen.kz.
«Statıstıkaǵa sáıkes, 2025 jyldyń qańtar aıynda avtokólikter baǵasynyń ósimi 105 paıyzdy qurady. Al qazaqstandyq óndiristegi avtokólikterdiń baǵasy 101 paıyzǵa ósti», dedi mınıstr Úkimet otyrysynda.
Sonymen qatar, Ersaıyn Naǵaspaev otandyq avtokólikterdiń baǵasy tómendeıtinin aıtty.
«Otandyq zaýyttar jyl saıyn kólik túrin keńeıtetin bolady. Jańa markalar naryqqa shyqqan saıyn, baǵalar sózsiz tómendeıdi. Muny naqty aıta alamyn. О́zimizde avtokólik óndirisiniń damýy qytaılyq kólikter baǵasynyń da tómendeýine yqpal etedi», dep qosty mınıstr.
Aıta keteıik, 2025 jyl Qazaqstannyń avtokólik jasaý salasy úshin rekordtyq jyl boldy. Elde jańa kólikterdi óndirý kólemi de, satý kórsetkishi de artty.