Mádenıet jáne aqparat mınıstri Aıda Balaeva jańa buıryqqa qol qoıdy. Qujatqa sáıkes, endi konsert uıymdastyrýshylar men ártister kórermenderdi fonogramma qoldanylatyny týraly aldyn ala eskertýge mindetti, dep habarlaıdy Egemen.kz.
Jańa talap boıynsha, mundaı aqparat bılet satylymy bastalǵanǵa deıin keminde 30 kún buryn jarııalanýy tıis. Iаǵnı kórermen bılet almaı turyp-aq konsertte «jandy daýys» nemese fonogramma qoldanylatyny jóninde bilýi kerek.
Enrıke Iglesıastyń konserti kezinde qaýipsizdikke kim jaýap beredi?
Sonymen qatar, eskertý tek bir jerde emes, birneshe platformada kórsetilýi mindetteldi. Ol: – syrtqy jarnamada, – bılet satý oryndarynda, – buqaralyq aqparat quraldarynda, – áleýmettik jelilerde jarııalanýy tıis.
Tolyq anshlag: NU stýdentter orkestriniń konserti 1500 kórermen jınady
Teledıdar men radıoda beriletin jarnamalarǵa da naqty talaptar engizildi. Fonogramma týraly eskertý keminde 5 sekýnd aıtylyp, onyń dybysy negizgi jarnamadan báseń bolmaýy kerek. Qysqa rolıkterde dıktor naqty túrde «Vokaldyq fonogramma qoldanylady» dep aıtýǵa mindetti.
Jalpy, bul ózgerister kórermenge ashyq aqparat berý jáne konserttik qyzmettiń móldirligin arttyrý maqsatynda engizilgen. Buǵan deıin de bul másele birneshe jyl boıy talqylanyp kelgen bolatyn.