Shymkentte «Nazira Gold» qarjylyq pıramıdasy isi boıynsha jańa sot úkimi shyǵyp, 5 adam sottaldy. Olar salymshylarǵa joǵary tabys ýáde etip, alaıaqtyq jolmen qarajat jınady degen aıyppen 5 jyldan 10 jylǵa deıin bas bostandyǵynan aıyryldy, dep habarlaıdy Egemen.kz.
Tergeý derekterine sáıkes, 2024 jyldyń mamyrynan 2025 jyldyń aqpanyna deıin kúdiktiler áleýmettik jeliler arqyly «Nazira Gold» jobasyn jarnamalaǵan. Salymshylarǵa aı saıyn 21–41% kóleminde tabys jáne birneshe aıdan keıin salynǵan qarajatty tolyq qaıtarý ýáde etilgen.
Nátıjesinde 177 adam zardap shegip, jalpy shyǵyn kólemi 1,4 mıllıard teńgeden asty.
Sot málimetinshe, negizgi uıymdastyrýshy 10 jylǵa bas bostandyǵynan aıyryldy, biraq kámeletke tolmaǵan balalary bar bolǵandyqtan, jazany óteý bir jylǵa keıinge qaldyrylǵan. Qalǵan qatysýshylarǵa da ártúrli merzimdegi jaza taǵaıyndaldy.
110 mln teńgeden astam shyǵyn: «Boxy Wealth» qarjy pıramıdasyna qatysty is sotqa joldandy
Sot jábirlenýshilerdiń azamattyq talaptaryn ishinara qanaǵattandyrdy. Úkim ázirge zańdy kúshine engen joq jáne apellıasııaǵa berilýi múmkin.
Aıta keteıik, buǵan deıin osy is boıynsha taǵy toǵyz adam sottalyp, memleket paıdasyna múlik pen qarajat tárkilengen bolatyn.