«DAÝYS» qoǵamdyq baıqaýshylar koalısııasy Qazaqstan Respýblıkasynyń jańa Konstıtýsııasyn qabyldaý máselesi boıynsha ótkiziletin jalpyhalyqtyq referendýmǵa táýelsiz baıqaýshylar retinde qatysatynyn resmı túrde málimdedi, dep habarlaıdy Egemen.kz.
Konstıtýsııa – memlekettik bıliktiń qurylymyn aıqyndaıtyn, azamattardyń quqyqtary men bostandyqtarynyń kepildikterin belgileıtin jáne el damýynyń negizgi qaǵıdattaryn bekitetin asa mańyzdy qujat. Sondyqtan mundaı tarıhı sheshimder daýys berý úderisiniń tolyq ashyqtyǵy, zańdylyǵy jáne ádildigi jaǵdaıynda qabyldanýy tıis.
«Bizdiń basty maqsatymyz – referendýmnyń barlyq kezeńinde qoǵamdyq baqylaýdy qamtamasyz etý», dep málimdedi «DAÝYS» qoǵamdyq baqylaýshylar koalısııasy.
Koalısııa jumysy júıeli túrde jáne respýblıka kóleminde uıymdastyrylady. Baıqaýshylarymyz daýys berý ýchaskeleri ashylǵan sátten bastap qorytyndylar shyǵarylǵanǵa deıin óz mindetterin kásibı, muqııat ári jaýapkershilikpen atqarady.
Referendýmǵa arnalǵan resmı saıt iske qosyldy
Qoǵamdyq senim sózben emes, naqty áreketpen, zań talaptaryn saqtaý arqyly qalyptasady. Táýelsiz baqylaý – saılaý úderisiniń ashyqtyǵy men aıqyndyǵyn qamtamasyz etetin mańyzdy tetik.
«DAÝYS» koalısııasy – el bolashaǵyna beıjaı qaramaıtyn azamattardyń birlestigi. Árbir qazaqstandyqtyń daýysy eskerilip, erki ádil túrde kórinis tabýy – bizdiń ortaq mindetimiz. Biz osy maqsat jolynda eńbek etemiz.