AQSh-tyń San-Dıego qalasynda ornalasqan iri ıslam ortalyǵynda qarýly shabýyl jasalǵan. Saldarynan 5 adam kóz jumdy. Qaza tapqandardyń arasynda shabýyl jasady degen kúdikke ilingen 2 jasóspirim de bar, dep habarlaıdy Egemen.kz.
Oqıǵa Kalıfornııa shtatynda bolǵan. Islam ortalyǵy aýmaǵynda meshitpen qatar dinı mektep te ornalasqan.
Polısııa deregine sáıkes, qaza tapqandardyń biri – kúzet qyzmetkeri. Quqyq qorǵaý organdarynyń joramaldaýynsha, kúzetshiniń áreketi odan da aýqymdy qyrǵynnyń aldyn alǵan bolýy múmkin.
Tergeý málimetinshe, shabýylǵa 17 jáne 19 jastaǵy eki jasóspirim kúdikti sanalady. Keıin olardyń deneleri ıslam ortalyǵynan birneshe kvartal jerdegi kólikten tabylǵan. Aldyn ala boljam boıynsha, olar shabýyldan keıin ózderine qol jumsaǵan.
AQSh-ta dúleı daýyl 60 mıllıon adamǵa qaýip tóndirip tur
Amerıkalyq quqyq qorǵaý organdary bul oqıǵany dinı jáne násildik óshpendilik negizinde jasalǵan qylmys retinde qarastyryp jatyr.
BAQ málimetinshe, kúdiktilerdiń biri násilshildik sıpattaǵy sózder jazylǵan qoshtasý hatyn qaldyrǵan. Sondaı-aq qarý-jaraqtan ekstremıstik mazmundaǵy jazýlar tabylǵan.
Buǵan deıin AQSh-ta áýe shoýy kezinde eki áskerı ushaq soqtyǵysqany týraly habarlaǵanbyz.