Qazaqstan musylmandary dinı basqarmasy 2026 jylǵy Qurban aıt namazynyń ýaqytyn jarııalady, dep habarlaıdy Egemen.kz.
Jarııalanǵan kestege sáıkes, aıt namazy elimizdiń basym bóliginde tańǵy saǵat 06:00-de oqylady. Iаǵnı, Astana, Almaty jáne Shymkent qalalarynda, sondaı-aq Abaı, Aqmola, Almaty, Jambyl, Jetisý, Qostanaı, Qyzylorda, Pavlodar, Soltústik Qazaqstan, Túrkistan, Ulytaý jáne Shyǵys Qazaqstan oblystarynda Qurban aıt namazy saǵat 06:00-ge belgilengen.
Al Aqtóbe, Atyraý, Batys Qazaqstan, Qaraǵandy jáne Mańǵystaý oblystarynda namaz 06:30-da bastalady.
QMDB turǵyndarǵa merekelik namazda qoǵamdyq tártip pen tazalyqty saqtaýǵa shaqyrdy.
Eske sala keteıik, Qazaqstan musylmandary dinı basqarmasy tóraǵasy Naýryzbaı qajy Taǵanuly bıyl el turǵyndaryn Qurban aıt merekesin ulttyq dástúrge saı atap ótýge shaqyrǵan bolatyn.
Budan bólek, múftııat jýyrda onlaın qurban shalýǵa arnalǵan qosymshasyn tanystyrǵan edi.