Tarıh jáne taǵdyr taýqymetimen 5 mıllıondaı etnostyq qazaqtardyń álemge tarydaı shashylyp ketkeni barshaǵa málim. Elbasy, Qazaqstannyń Tuńǵysh Prezıdenti N.Á.Nazarbaevtyń kóshi-qon saıasatyn ulttyq saıasattyń ózekti salasy retinde qarastyrýyna sáıkes, qazir 1 mıllıonǵa jýyq baýyrlarymyz tarıhı Otanyna kelip úlgerdi.
Degenmen, sońǵy ýaqytta О́zbekstanda turatyn qandastarymyzdyń Qazaqstanǵa oralýyna qoldan kedergi jasalýda. О́zbekstan Prezıdenti Islam Karımov: «Bizdiń baratyn bazarymyz bir, jatatyn mazarymyz bir», degenine qaramastan, týystas memlekettiń sheneýnikteri etnostyq otandastarymyzdyń О́zbekstan azamattyǵynan shyǵý tártibin burynǵydan da qatańdata túskeni málim bolyp otyr.
Máselen, О́zbekstan Respýblıkasynyń Almatydaǵy Bas konsýldyǵy О́zbekstan azamattyǵynan shyǵý úshin 15 pýnktten turatyn talap qoıýda. Sonyń «7-pýnktinde – eslı sýprýg ıavlıaetsıa grajdanınom Respýblıkı Ýzbekıstan, vzıat zaıavlenıe-soglasıe, zaverennoe notarıýsom o tom, chto on (ona) ne vozrajaet protıv vashego vyhoda ız grajdanstva Respýblıkı Ýzbekıstan, 8-pýnktinde – eslı vmeste s Vamı vyhodıt rebenok, dostıgshıı 14 letnego vozrasta, to zaıavlenıe, zaverennoe notarıýsom o tom, chto on ne vozrajaet protıv vashego vyhoda ız grajdanstva Respýblıkı Ýzbekıstan, al 9-pýnktinde – eslı rodıtelı (brat, sestra) projıvaıýt v Respýblıke Ýzbekıstan, to notarıalno zaverennoe zaıavlenıe-soglasıe o tom, chto on ne vozrajaet protıv vashego vyhoda ız grajdanstva Respýblıkı Ýzbekıstan» degen talaptar qoıylǵan. Oǵan qosymsha 110 AQSh dollary kóleminde konsýldyq shyǵyn tólenýge tıis.
Budan 7 jyl buryn da osyndaı talaptar bolǵan. Problema kezinde Q.K.Toqaevtyń aralasýymen sheshilip, Qazaqstan azamattyǵyn alýdyń jeńildetilgen tártibi engizilgen bolatyn. Qalyptasqan jaǵdaıǵa oraı, elimizdiń Syrtqy ister mınıstrligi bul máseleni dıplomatııalyq jolmen rettep sheshse, durys bolar edi.
Ýálıhan QALIJAN, Májilis depýtaty.