Eńbegimen elengen

Kókshetaý baýraıyndaǵy Jy­­lymdy aýylynyń per­zen­­ti Nurpeıis Aqparuly Sver­d­­lov órt-tehnıkalyq ýchılıshesin bitirgennen keıin qyz­met jo­­lyn Kókshetaý oblysynyń Volodar jáne Rýzaev aýdanda­ryn­da­ǵy IIB-niń órtten qorǵaý ıns­peksııasynyń ınspektory bo­lyp bastap, osy mekemeniń bas ınspektory, keıin, ıaǵnı 1975 jyly Taldyqorǵan oblysynyń, al 1982 jyly Torǵaı obly­sy­nyń órtten qorǵaý bóliminiń bas­tyǵy qyzmetterin atqarǵan. 1985 jyly oǵan órtten qorǵaý salasyndaǵy uzaq jyldarǵy eńbegi úshin KSRO Ishki ister mı­nıstriniń buıryǵymen polkovnık ataǵy berildi. Búginde órt sóndirý salasynda onyń qa­ramaǵynda jumys istep, shákirti bolǵan qyzmetkerlerinen 12 pol­­kovnık, 7 departament bas­shy­synyń tárbıelenip shyǵýy Nurpeıis aǵa úshin úlken mereı. – Dalaly jerde ornalasqan Torǵaı oblysy men qyzmetpen aýysyp barǵan jy­ly on toǵyz oblys kórsetkishteri boı­ynsha eń sońǵy oryndardan ǵana kó­ri­netin. Eńbegimizdiń janǵany sol, 1989-1990 jyldary biz óz kórsetkishterimizben úshinshi or­ynǵa kóterilgen edik. Sondaǵy atqarǵan jumystarymyz aýyl-aımaqty aralap tehnıkany paıdalaný, qaýipsizdik­ti saqtaý boıyn­sha keńester men jı­na­lys­tar ótkizýge baǵyttalǵan edi. Qys bol­­sa mal qystaǵyn kórip, es­kertý-tú­sin­di­rý ju­mystaryn júr­gizip, óńir basshyla­ry­men qoıan-qoltyq jumys jasadyq, – dep eske alady Nurpeıis aǵa ótken jyldardy. О́rt sóndirý qyzmetinde ju­mys istegen adam, eń aldymen, baıqampazdyq já­ne baısal­dy­lyq qasıetterge ıe bolýy kerek. Jumysta aıǵaımen sharýa tyndy­rý­ǵa bolmaıdy. Basshy­lyq qyzmet atqar­ǵannan keıin daýys kóterip, qarama­ǵyń­daǵy­lar­dyń abyroı-namysyna tııý jón emes. Jumysty aqylmen uı­ymdastyra bilý kerek. Sonda ǵana qyzmetiń alǵa basyp, oı­laǵanyń iske asady. Ardager aǵa osylaı deıdi. Keńes ókimeti tu­synda «Erikti jas órt sóndi­rýshiler klýby» jumys isteıtin. Olar balany jasynan órt són­dirý qyzmetine baýlyp, qaıy­rymdy ister jasaýǵa úıretetin uıym retinde qurylǵan bola­tyn. Balalar úshin tárbıeniń máni joǵary osyndaı uıymdar elimizde qurylsa, jastar óz ýaqyttaryn tıimdi paıdalanyp, zııandy ádetterden aýlaq bolyp, adamgershiliktiń jaqsy qasıet­terin boılaryna sińire alar edi dep oılaımyn. Nurpeıis Aqparuly zeınetkerlikke shyqqannan keıin de el úshin eńbek etýin toqtatqan joq. 1992 jyldan «Qazaq tili» qo­ǵamy aýdandyq uıymynyń tór­aǵasy, 1993 jyldan aýdandyq ardagerler keńe­siniń tóraǵasy, 1997 jyldan Kókshetaý oblys­tyq ardagerler keńesiniń tór­aǵasy, 1998 jyldan Kókshetaý qalasyndaǵy órt­ten qorǵaý ardagerleri keńesiniń tór­aǵa­sy, al 2005 jyldan Tótenshe jaǵdaı­lar mınıstrligi ardagerler ke­ńe­siniń tóraǵa­sy qyzmetterin at­qardy. Taǵdyr ony jastaıynan ómir qıyn­dyqtaryn jeńe bilýge úı­ret­­­ti. Anasynan erte aıyrylǵan ol ákesiniń tárbıesinde boldy. Ákesi – Aqpar balasynyń bilim alyp, azamat retinde qalyp­ta­­sýy­na yq­pal etti. Qaı kezde bol­masyn týǵan aýy­lyna búıregi bu­ryp turatyn azamatty el taǵ­dyry alańdatpaı qoımaıtyny anyq. Týǵan aýyly Jy­lymdyda jańa mek­tep salý máse­lesin óz moınyna alyp, depýtattar men mınıstr­lik­ter­diń esigin biraz qa­ǵýǵa da týra keldi. Nátı­je­sin­de Se­nat depýtaty Svet­lana Jal­ma­ǵambetovanyń ha­ty boı­yn­sha Aq­mo­la oblysynyń ákimi Sergeı Dıa­chenkonyń buıry­ǵy­men onyń qu­ry­lysyna qarajat bólinip, jumys ta bastalǵan bo­la­tyn. О́kinishke qa­raı, keıin qu­ry­lys toqtap, ondaǵy jumystar belgisiz ýaqytqa shegerilip otyr. Nurpeıis Aq­parulynyń aýylda meshit salý jónindegi taǵy bir bastamasy demeýshilerden qol­daý taýyp qurylys, Allaǵa shú­kir, bas­talyp ta ketti. – Jumysyńnyń jaqsy júrýi, adam­nyń abyroıly bolýy otba­syna, úıdegi jan jaryńa baıla­nys­ty bolady. Sholpan Mah­met­qyzy ekeýmiz, mine, 52 jyl birge turamyz, altyn toıymyzdy atap ót­tik, eki ul, eki qyz ósirdik, bes nemeremiz bar, balalardyń bar­lyǵy joǵary qyz­met­te, – deıdi Nurpeıis Aqparuly. Osyndaı adamdar aramyzda kóp bolsa dep oılaısyń... Juldyz AITJANOVA, jýrnalıst.