Keshe Memleket basshysy Nursultan Nazarbaev AQSh-tyń Qazaqstan Respýblıkasyndaǵy Ýaqytsha senimdi ókili Djon Ordveıdi qabyldady, dep habarlady Qazaqstan Respýblıkasy Prezıdentiniń baspasóz qyzmeti.
Kezdesý barysynda Qazaqstan men AQSh arasyndaǵy ekijaqty qarym-qatynastardy odan ári damytý máselesi talqylandy.
– Kóp jyldan beri Qazaqstan Amerıka Qurama Shtattarynyń strategııalyq seriktesi bolyp tabylady. Biz ótken jyly respýblıkanyń EQYU-ǵa tóraǵalyǵyna qoldaý kórsettik jáne sizderdiń elderińizdiń IYU-ǵa tóraǵalyǵyn da qoldaımyz. Qazaqstan – biz úshin óte mańyzdy seriktes. Halyqaralyq kún tártibindegi kóptegen máseleler boıynsha, onyń ishinde lańkestikke jáne taratpaýǵa qarsy is-qımyldar týraly bizdiń pikirlerimiz ben múddelerimiz uqsas, – dedi Dj.Ordveı Prezıdentpen kezdesýden keıin, jýrnalıster aldynda sóılegen sózinde.
-----------------------------------------
Sýretti túsirgender S.BONDARENKO, B.OTARBAEV.