Qazaqstan Respýblıkasy Prezıdentiniń Jarlyǵy

Qazaqstan Respýblıkasynyń dıplomattyq jáne qyzmettik pasporttaryn berý, esepke alý, saqtaý jáne joıý qaǵıdalaryn bekitý týraly «Qazaqstan Respýblıkasynyń dıp­lo­matııalyq qyzmeti týraly» 2002 jylǵy 7 naýryzdaǵy Qazaqstan Res­pýblıkasy Zańynyń 6-babynyń 27-1) tarmaqshasyna sáıkes jáne Qazaqstan Respýblıkasynyń dıplomattyq jáne qyzmettik pasporttaryn berý tártibin jetildirý maqsatynda qaýly etemin: 1. Qosa berilip otyrǵan Qazaqstan Respýblıkasynyń dıplomattyq jáne qyzmettik pasporttaryn berý, esepke alý, saqtaý jáne joıý qaǵıdalary bekitilsin. 2. Mynalardyń kúshi joıyldy dep tanylsyn: 1) «Qazaqstan Respýblıkasynyń dıp­lo­mattyq pasporty týraly» Qazaq­stan Respýblıkasy Prezıdentiniń 1999 jylǵy 20 shildedegi №59 ókimi; 2) «Qazaqstan Respýblıkasy Prezı­dentiniń 1999 jylǵy 20 shildedegi №59 ókimine tolyqtyrý engizý týraly» Qazaqstan Respýblıkasy Prezıdentiniń 2009 jylǵy 14 mamyrdaǵy №323 ókimi (Qazaqstan Respýblıkasynyń PÚAJ-y, 2009 j., №27-28, 235-qujat). 3. Qazaqstan Respýblıkasynyń Úki­me­ti osy Jarlyqtan týyndaıtyn sha­ra­lar­dy qabyldasyn. 4. Osy Jarlyq alǵashqy resmı ja­rııalanǵanynan keıin qoldanysqa engiziledi.

Qazaqstan Respýblıkasynyń Prezıdenti N.NAZARBAEV.

Astana, Aqorda, 2011 jylǵy 7 qyrkúıek.     №150

-----------------------------------

Qazaqstan Respýblıkasy Prezıdentiniń 2011 jylǵy 7 qyrkúıektegi №150 Jarlyǵymen BEKITILGEN

Qazaqstan Respýblıkasynyń dıplomattyq jáne qyzmettik pasporttaryn berý, esepke alý, saqtaý jáne joıý

QAǴIDALARY

Osy Qaǵıdalar «Qazaqstan Respýblıkasynyń dıplomatııalyq qyzmeti týraly» 2002 jylǵy 7 naýryzdaǵy Qazaqstan Respýblıkasy Zańynyń 6-babynyń 27-1) tarmaqshasyna sáıkes ázirlendi.

1. Jalpy erejeler

1. Qazaqstan Respýblıkasy­nyń dıplomattyq pasporty shetelde Qa­zaqstan Respýblıkasy azama­ty­nyń jeke basyn kýálan­dyra­tyn qu­jat bolyp taby­la­dy, 1961 jylǵy Dıplomattyq qa­tynastar tý­ra­ly Vena kon­ven­sııasyna já­ne Qazaqstan Res­pýb­lıkasynyń basqa da halyq­aralyq shartta­ry­na sáıkes onyń dıplomatııalyq ımmýnıteti bolady. 2. Qazaqstan Respýblıkasy­nyń qyzmettik pasporty Qazaq­stan Respýblıkasynyń azamaty ózine júktelgen qyzmettik mindetterdi atqarý úshin Qazaqstan Respýblıkasynan tys jerlerge shyqqan, kelgen, turǵan kezde onyń jeke basyn, ıesiniń resmı mártebesin kýálandyratyn qu­jat bolyp tabylady. 3. Dıplomattyq nemese qyz­met­tik pasportty (budan ári – pasport) shetelge jeke saparlar úshin paıdalanýǵa tyıym salynady. 4. Pasport Qazaqstan Respýb­lı­kasynyń menshigi bolyp tabylady. 5. Pasport Qazaqstan Respýb­lı­kasynan álemniń barlyq memleketterine shyǵý úshin jaramdy bolyp tabylady. 6. Pasportty Qazaqstan Res­pýb­lıkasynyń dıplomattyq nemese qyzmettik pasportyn alýǵa quqyǵy bar adamdardyń tizbelerine sáıkes (1 jáne 2-qo­sym­sha­lar) Qazaqstan Respýblıkasy Syrt­qy ister mınıstrligi (bu­dan ári – Mınıstrlik) beredi. 7. Erekshe jaǵdaılarda Qazaq­stan Respýblıkasynyń Prezıdentimen kelisim boıynsha Qa­zaq­stan Respýblıkasy Syrtqy ister mınıstriniń Qazaqstan Respýblıkasynyń dıplomattyq pasportyn alýǵa quqyǵy bar adamdardyń tizbesinde kórse­til­megen adamdarǵa dıplomattyq pasport berýge quqyǵy bar. 8. Uzaq sheteldik issaparǵa ba­ratyn jáne dıplomattyq nemese qyzmettik pasporty bar adamdarmen birge júretin jubaı­la­ryna/zaıyptaryna, 18 jasqa deıingi balalarǵa da tıisinshe dıp­lomattyq nemese qyzmettik pasport, sondaı-aq qyzmettik pas­por­ty bar adamdarmen birge jú­re­tin, jasy 18-den asqan, tur­mys­qa shyqpaǵan qyzdarǵa da qyz­mettik pasport beriledi. 9. Pasport bes jyl merzimge beriledi. Dıplomatııalyq qyzmettiń Qa­zaqstan Respýblıkasynyń Tó­ten­she jáne О́kiletti Elshisi dıp­lomattyq dárejesi bar qyz­metkerleriniń jáne olardyń ju­baılarynyń/zaıyptarynyń Qazaqstan Respýblı­ka­synyń dıplomattyq pasportyn ómir boıy paıdalanýǵa quqyǵy bar. 10. Pasporttardyń blankileri Mınıstrliktiń ótinimi boıynsha jasalatyn qatań eseptegi qujattar bolyp tabylady. 11. Pasporttardy berýdi, esepke alýdy, saqtaýdy jáne joıýdy Mınıstrlik júzege asyrady.

2. Negizgi uǵymdar

12. Osy Qaǵıdalarda mynandaı uǵymdar paıdalanylady: 1) ýákiletti adam – osy Qaǵıdalarda kózdelgen is-qımyldy ja­saý­ǵa issaparǵa jiberýshi organ ýákilettik bergen, osy organnyń qyz­met­keri. Ýákiletti adam týraly aqparat issaparǵa jiberýshi organ basshysynyń nemese Mınıstrlikte ony almastyratyn adamnyń qoly qoıylyp, jazbasha túrde aldyn ala jiberiledi; 2) issaparǵa jiberýshi organ – Qazaqstan Respýblıkasynyń memlekettik organy nemese uıym; 3) jaýapty qyzmetker – Qazaqstan Respýblıkasynyń Syrtqy ister mınıstrligi Konsýldyq qyzmet departamentiniń osy Qaǵı­da­lar­da kózdelgen is-qımyldy júzege asyratyn qyzmetkeri; 4) ótinim hat – issaparǵa jiberýshi organ basshylyǵynyń nemese is­saparǵa jiberýshi organnyń qurylymdyq bólimshesi basshysynyń qoly qoıylǵan fırmalyq blankidegi issaparǵa jiberýshi organnyń haty; 5) laýazymdy adamdardyń tizbeleri – Qazaqstan Respýb­lı­ka­synyń dıplomattyq nemese qyzmettik pasportyn alýǵa quqyǵy bar adamdardyń tizbeleri; 6) ıesi – Qazaqstan Respýblıkasynyń dıplomattyq nemese qyz­met­tik pasporty resimdelgen adam.

3. Qazaqstan Respýblıkasynyń dıplomattyq jáne qyzmettik pasporttaryn berý, esepke alý, saqtaý jáne joıý

13. Pasportty resimdeý úshin issaparǵa jiberýshi organ ýákiletti adam arqyly Mınıstrlikke mynadaı qujattar paketin: 1) ótinim hat (3-qosymsha); 2) issaparǵa jiberýshi organnyń kadr bólimi kýálandyrǵan issa­parǵa jiberý týraly buıryqtyń nemese ózge qujattyń kóshirmesin; 3) pasport berýge toltyrylǵan ótinish (budan ári – ótinish); 4) 3,5h4,5 mólsherindegi túrli-tústi eki fotosýret; 5) jeke kýáliktiń kóshirmesin beredi. 14. Qujattardy qabyldaǵan kezde jaýapty qyzmetker ótinishte kórsetilgen derekterdiń jeke basyn kýálandyratyn qujattardyń derekterimen sáıkestigi turǵysynan salystyryp tekserý júrgizedi. 15. Basqa dıplomattyq nemese qyzmettik pasporty bolǵan jaǵ­daı­da, dıplomattyq nemese qyzmettik pasportty resimdeýge mynadaı: 1) basqa shet memleketke kirý úshin kedergi bolýy múmkin shetel vızasy bolǵan; 2) qysqa merzimde birneshe memlekettiń vızalaryn alý qajet bolǵan; 3) Syrtqy ister mınıstriniń, onyń orynbasarlarynyń nemese jaýapty hatshysynyń jazbasha nusqaýy bolǵan jaǵdaılarda ruqsat etiledi. 16. Pasportty resimdeý merzimi 5 jumys kúnin quraıdy. 17. Ýákiletti adamǵa pasport berý jeke kýáligin nemese ulttyq pasportyn kórsetken jaǵdaıda pasporttardy berý jýrnalyna qolyn qoıǵyzyp júzege asyrylady. 18. Qazaqstan Respýblıkasy Syrtqy ister mınıstrligi Konsýldyq qyzmet departamentiniń muraǵatynan pasporttardy berý ýákiletti adam arqyly usynylǵan ótinim hat pen issaparǵa jiberýshi organ­nyń kadr bólimi kýálandyrǵan issaparǵa jiberý týraly buıryqtyń nemese ózge qujattyń kóshirmesi negizinde júzege asyrylady. Ýákiletti adam pasportty alǵannan keıin ony ıesine dereý beredi. 19. Pasporttyń qoldanylý merzimin Mınıstrlik nemese Qazaq­stan Respýblıkasynyń shetelderdegi mekemeleri mynadaı. 1) ıesi shuǵyl túrde shetelge issaparǵa shyǵý qajet bolǵan; 2) Qazaqstan Respýblıkasynyń sheteldegi mekemesindegi jumys merzimi uzartylǵan jaǵdaılarda bir jylǵa deıingi merzimge bir márte uzartýy múmkin. 20. Eger ıesi bir aı merzimde Qazaqstan Respýblıkasynan tys jerge taǵy da shyqpasa, azamattar sheteldik sapardan oralǵannan keıin on kún merzimde pasport Qazaqstan Respýblıkasy Syrtqy ister mınıstrligi Konsýldyq qyzmet departamentiniń muraǵatyna tapsyratyn ýákiletti adamǵa berilýi tıis. Pasportty tapsyrý negizsiz kidirtilgen jaǵdaıda, Mınıstrlik ony jaramsyz dep taný quqyǵyn ózine qaldyrady. Tapsyrylǵannan keıin pasportty saqtaý jaýapkershiligi Mınıstrlikke júkteledi. Issaparǵa jiberýshi organ berilgen pasporttardyń esebin júrgizedi jáne pasport ıeleriniń qyzmettik qozǵalysy (jumystan bosatylýy, laýazymynyń joǵarylaýy, tómendeýi) týraly Mınıstrlikke toqsanyna bir ret habarlap otyrady. Eger ıesi ony ıelený quqyǵyn joǵaltqan bolsa, Mınıstrlik pas­portty talap etedi. Pasport qaıtarylmaǵan jaǵdaıda, Mınıstrlik Qazaqstan Respýblıkasy Ulttyq qaýipsizdik komıtetiniń Shekara qyzmetine pasportty jaramsyz dep taný týraly aqparat jiberedi. 21. Pasport shetelde joǵalǵan, urlanǵan jaǵdaıda, onyń ıesi bul tý­raly bolý memleketiniń quqyq qorǵaý organdaryna jáne Qazaq­stan Respýblıkasynyń eń taıaý sheteldegi mekemesine, eger joǵalý, urlaný Qazaqstannyń aýmaǵynda oryn alsa – Mınıstrlikke jáne Qazaqstan Respýblıkasynyń ishki ister organdaryna dereý málim­deıdi. Joǵalǵan, urlanǵan pasporttyń ornyna jańasyn berý joǵaltý, urlaný týraly aqparat tekserilgennen keıin júrgiziledi. 22. Pasporttardy saqtaý Qazaqstan Respýblıkasy Syrtqy ister mınıstrligi Konsýldyq qyzmet departamentiniń muraǵatynda júrgiziledi. Pasportpen birge pasport qolǵa berilgen kezde muraǵatta qalatyn esepke alý kartochkasy da saqtalady. 23. Pasporttardy joıý osy Qaǵıdalarǵa 4-qosymshaǵa sáıkes akt jasaý arqyly júzege asyrylady.

4. Qorytyndy erejeler

24. Osy Qaǵıdalar buzylǵan jaǵdaıda, issaparǵa jiberýshi or­gan­dardyń basshylary, ıeler jáne ýákiletti adamdar Qazaqstan Res­pýb­lıkasynyń zańdaryna sáıkes jaýapty bolady.

Qazaqstan Respýblıkasynyń dıplomattyq jáne qyzmettik pasporttaryn berý, esepke alý, saqtaý jáne joıý qaǵıdalaryna 1-qosymsha

Qazaqstan Respýblıkasynyń dıplomattyq pasportyn alýǵa quqyǵy bar adamdardyń tizbesi

1. Qazaqstan Respýblıkasynyń Prezıdenti men onyń otbasy músheleri. 2. Qazaqstan Respýblıkasynyń Premer-Mınıstri. 3. Qazaqstan Respýblıkasy Parlamenti Senatynyń Tóraǵasy. 4. Qazaqstan Respýblıkasy Parlamenti Májilisiniń Tóraǵasy. 5. Qazaqstan Respýblıkasynyń Memlekettik hatshysy. 6. Qazaqstan Respýblıkasy Prezıdenti Ákimshiliginiń Basshysy. 7. Qazaqstan Respýblıkasy Konstıtýsııalyq Keńesiniń Tóraǵasy. 8. Qazaqstan Respýblıkasy Joǵarǵy Sotynyń Tóraǵasy. 9. Qazaqstan Respýblıkasy Ulttyq Bankiniń Tóraǵasy. 10. Qazaqstan Respýblıkasy Ortalyq saılaý komıssııasynyń tóraǵasy. 11. Qazaqstan Respýblıkasy Premer-Mınıstriniń orynbasarla­ry. 12. Qazaqstan Respýblıkasy Qaýipsizdik Keńesiniń hatshysy. 13. Qazaqstan Respýblıkasy Prezıdenti Ákimshiligi Basshysynyń orynbasarlary. 14. Qazaqstan Respýblıkasy Joǵarǵy Sot Keńesiniń tóraǵasy. 15. Qazaqstan Respýblıkasy Prezıdentiniń kómekshileri, Qazaq­stan Respýblıkasynyń Prezıdenti Keńsesiniń bastyǵy, Qazaqstan Respýblıkasy Prezıdentiniń keńesshileri, Qazaqstan Respýblıkasy Prezıdentiniń arnaıy ókilderi, Qazaqstan Respýblıkasy Qaýip­siz­dik Keńesi hatshysynyń orynbasarlary. 16. Qazaqstan Respýblıkasynyń Premer-Mınıstri Keńsesiniń Basshysy. 17. Qazaqstan Respýblıkasynyń Prezıdentine tikeleı baǵynatyn jáne esep beretin memlekettik organdardyń birinshi basshylary, ortalyq atqarýshy organdardyń birinshi basshylary. 18. Qazaqstan Respýblıkasy Joǵarǵy Sotynyń qadaǵalaýshy sot alqalarynyń tóraǵalary. 19. Astana jáne Almaty qalalarynyń, oblystardyń ákimderi. 20. Qazaqstan Respýblıkasy Parlamentiniń depýtattary. 21. Qazaqstan Respýblıkasyndaǵy Adam quqyqtary jónindegi ýákil. 22. Qazaqstan Respýblıkasy Prezıdenti Ákimshiliginiń qurylym­dyq bólimsheleriniń basshylary. 23. Qazaqstan Respýblıkasy Parlamentiniń Senaty men Májilisi, Qa­zaqstan Respýblıkasy Joǵarǵy Soty apparattarynyń basshy­la­ry. 24. Qazaqstan Respýblıkasy Premer-Mınıstriniń Keńsesi Syrt­qy baılanystar jáne protokol bóliminiń meńgerýshisi – Premer-Mınıstr protokolynyń bastyǵy. 25. Qazaqstan Respýblıkasy Premer-Mınıstriniń kómekshisi. 26. Qazaqstan Respýblıkasynan jiberiletin Qazaqstan Respýb­lı­kasy dıplomatııalyq qyzmetiniń qyzmetkerleri, olardyń otbasy mú­sheleri (jubaılary/zaıyptary, balalary), halyqaralyq uıym­dar­dyń qyzmetkerleri, olardyń otbasy músheleri (jubaılary/zaıyptary, balalary). 27. Áskerı attasheler, olardyń kómekshileri men otbasy músheleri (jubaılary/zaıyptary, balalary). 28. Qazaqstan Respýblıkasynyń eks-Prezıdenti men onyń zaıyby.

Qazaqstan Respýblıkasynyń  dıplomattyq jáne qyzmettik pasporttaryn berý, esepke alý, saqtaý jáne joıý qaǵıdalaryna 2-qosymsha

Qazaqstan Respýblıkasynyń qyzmettik pasportyn alýǵa quqyǵy bar adamdardyń tizbesi

1. Qazaqstan Respýblıkasy Joǵarǵy Sotynyń sýdıalary. 2. Aýdandardaǵy qalalardyń jáne qalalardaǵy aýdandardyń, se­lolardyń, selolyq okrýgterdiń, kentterdiń, aýyldardyń ákimderin qospaǵanda, Qazaqstan Respýblıkasy Prezıdentiniń 1999 jylǵy 29 jeltoqsandaǵy №317 Jarlyǵymen bekitilgen Memlekettik saıası qyzmetshiler laýazymdarynyń tizilimine sáıkes dıplomattyq pasport alýǵa quqyǵy joq saıası memlekettik qyzmetshiler. 3. Aýdandardaǵy qalalar jáne qalalardaǵy aýdandar ákimderiniń orynbasarlaryn qospaǵanda, qalalar men aýdandar ákimderiniń orynbasarlary. 4. Dıplomattyq pasport alýǵa quqyǵy bar adamdardy qospaǵanda, A jáne V sanattaryndaǵy, S-1, S-2, S-3, S-4 sanattaryndaǵy qyzmetterdi atqaratyn memlekettik ákimshilik qyzmetshiler. 5. Aýmaqtyq organdardyń qyzmetkerlerin qospaǵanda, Qazaqstan Respýblıkasy Qorǵanys mınıstrliginiń, Qazaqstan Respýblıkasy Pre­­zı­dentiniń Kúzet qyzmetiniń, Qazaqstan Respýblıkasy Bas pro­ký­ra­­tý­rasynyń, Qazaqstan Respýblıkasy Ulttyq qaýipsizdik komı­te­ti­niń, Qa­zaqstan Respýblıkasy «Syrbar» Syrtqy barlaý qyzmeti­niń, Qa­zaqstan Respýblıkasy Ishki ister mınıstrliginiń, Qazaqstan Res­pýb­lıkasy Tótenshe jaǵdaılar mınıstrliginiń, Qazaqstan Res­pýb­lı­ka­sy Ekono­mı­kalyq qylmysqa jáne sybaılas jem­qorlyqqa qarsy kú­res agenttiginiń (qarjy polısııasy) ofıserlik ataǵy bar qyzmetkerleri. 6. Qazaqstan Respýblıkasy dıplomatııalyq qyzmetiniń jumys­ker­le­ri men olardyń otbasy músheleri (jubaılary/zaıyptary, balalary). 7. Memlekettik kásiporyndardyń, ulttyq damý ınstıtýttary, ulttyq holdıngter, ulttyq kompanııalar, ulttyq basqarýshy holdıngter atqarýshy organdarynyń birinshi basshylary. 8. Qazaqstan Respýblıkasy resmı delegasııalarynyń halyqara­lyq ushyp ótýin qamtamasyz etý úshin tartylatyn qazaqstandyq avıakompanııalardyń ushqysh-tehnıkalyq personaly. 9. Osy tizbeniń 8-tarmaǵynda kórsetilgen shet memleketterdegi uıymdar ókildikteriniń qyzmetkerleri men olardyń otbasy músheleri (jubaılary/zaıyptary, balalary).

Qazaqstan Respýblıkasynyń dıplomattyq jáne qyzmettik pasporttaryn berý, esepke alý, saqtaý jáne joıý qaǵıdalaryna 3-qosymsha

Pasportty (dıplomattyq, qyzmettik) resimdeý úshin

Issaparǵa jiberýshi organnyń blankisinde

№________________ 20___ j. «__» ____________

QAZAQSTAN RESPÝBLIKASY SYRTQY ISTER MINISTRLIGI

Konsýldyq qyzmet departamenti

......... (el) shyǵý úshin pasportty (dıplomattyq, qyzmettik) resimdeýdi/berýdi suraımyz: T.A.Á. – laýazymy Shyǵýy jyly/kúni/aıyna, ...kún (jyl) merzimge josparlanǵan Baǵyty: Baratyn qalalar: Sapardyń maqsaty: Shyǵýynyń negizi:  ... (uıymnyń ataýy) shaqyrýy boıynsha Sapardy:  ... (uıymnyń ataýy) qarjylandyrady Qosymsha: 1) issaparǵa jiberýshi organnyń kadrlar bólimi kýálandyrǵan issaparǵa jiberý týraly buıryqtyń nemese ózge qujattyń kóshirmesi; 2) pasport berýge toltyrylǵan ótinish; 3) 3,5h4,5 mólsherindegi túrli-tústi eki fotosýret; 4) jeke kýáliktiń kóshirmesi. Uıymnyń basshysy          Qoly                            T.A.Á. Mórdiń orny Oryndaýshy: T.A.Á. Telefon:

Qazaqstan Respýblıkasynyń dıplomattyq jáne qyzmettik pasporttaryn berý, esepke alý, saqtaý jáne joıý qaǵıdalaryna 4-qosymsha

Dıplomattyq/qyzmettik pasportty joıý aktisi

«Bekitemin» ___________________(KQD basshysy) _________________T.A.Á. 20 ___ j. «__» __________

Qatań eseptegi búlingen blankilerdi joıý týraly

AKT

Biz, tómende qol qoıýshylar 1. ___________________, (laýazymy) T.A.Á. 2. ___________________, (laýazymy) T.A.Á. 3. ___________________  (laýazymy) T.A.Á. №____________ pasporttardyń blankilerin joıdyq dep, osy aktini jasadyq. Qosymsha: joıylǵan pasporttar blankileriniń kóshirmeleri. ____________ qoly, T.A.Á. ____________ qoly, T.A.Á. ____________ qoly, T.A.Á. Oryn.: Tegi, aty