2011 jylǵy 3 shilde, Astana, Úkimet úıi
Qazaqstan Respýblıkasynyń aýmaǵyna jylyjaı, polıetılen jáne alıýmınıı folgasyn ákelýdiń keıbir máseleleri týraly
«Memlekettik baqylaýdyń kelisilgen túrlerin Keden odaǵynyń syrtqy shekarasyna aýystyrý jónindegi jospardy oryndaý týraly» Keden odaǵy komıssııasynyń 2011 jylǵy 19 mamyrdaǵy № 644 sheshimin iske asyrý maqsatynda Qazaqstan Respýblıkasynyń Úkimeti qaýly etedi: 1. Qazaqstan Respýblıkasy Indýstrııa jáne jańa tehnologııalar mınıstrligi 2009 jylǵy 9 maýsymdaǵy Taýarlardyń syrtqy saýdasy salasyndaǵy lısenzııalaý erejesi týraly kelisimmen bekitilgen nysan boıynsha: 1) jylyjaı (KO SEQ TN 9406 00 310 0 jáne 9406 00 800 9 kodtary) ákelýge osy qaýlyǵa qosymshaǵa sáıkes olardyń maqsatty paıdalanylatynyn rastaıtyn qosymsha qujattar usynylǵan jaǵdaıda; 2) polıetılen (KO SEQ TN 3901 20 900 0 kody) jáne alıýmınıı folgasyn (KO SEQ TN 7607 11 100 0 jáne 7607 20 100 0 kodtary) ákelýge – kelisimshartta ákelinetin taýardyń maqsatty paıdalanylatyny týraly norma bolǵan jaǵdaıda lısenzııalar berýdi júzege asyrsyn. 2. Qazaqstan Respýblıkasy Qarjy mınıstrliginiń Kedendik baqylaý komıteti Qazaqstan Respýblıkasynyń aýmaǵyna jylyjaı (KO SEQ TN 9406 00 310 0 jáne 9406 00 800 9 kodtary), polıetılen (KO SEQ TN 3901 20 900 0 kody) jáne alıýmınıı folgasy (KO SEQ TN 7607 11 100 0 jáne 7607 20 100 0 kodtary) ımportyn belgilengen tártippen kedendik deklarasııalaýdy jáne olardan kedendik baj alýdy: 1) Keden odaǵy komıssııasynyń 2009 jylǵy 27 qarashadaǵy № 130 sheshimine 5-qosymshaǵa sáıkes ótpeli kezeń stavkalary boıynsha Qazaqstan Respýblıkasy Indýstrııa jáne jańa tehnologııalar mınıstrligi beretin lısenzııalar negizinde; 2) Keden odaǵynyń biryńǵaı kedendik tarıfinde kórsetilgen kedendik ákelý bajynyń stavkalarsy boıynsha Qazaqstan Respýblıkasy Indýstrııa jáne jańa tehnologııalar mınıstrligi beretin lısenzııasyz júzege asyrsyn. 3. Qazaqstan Respýblıkasy Syrtqy ister mınıstrligi eki apta merzimde Eýrazııalyq ekonomıkalyq qoǵamdastyq Integrasııalyq Komıtetiniń Hatshylyǵyn Qazaqstan Respýblıkasynyń Úkimeti qabyldaıtyn syrtqy saýda qyzmetin retteý sharalary týraly habardar etsin. 4. Osy qaýly alǵashqy resmı jarııalanǵanynan keıin kúntizbelik jıyrma bir kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOVQazaqstan Respýblıkasy Úkimetiniń 2011 jylǵy «3» shildedegi № 769 qaýlysyna qosymsha
KO SEQ TN 9406 00 310 0, 9406 00 800 9 kodtarymen jikteletin jylyjaı ákelýge lısenzııa alý úshin ótinim berýshiler usynatyn qosymsha qujattar
1. Qarjylyq lızıng sharty negizinde jylyjaı ákelýge lısenzııa alý úshin qujattar: 1) lızıngtik qyzmetti júzege asyrýǵa arnalǵan lısenzııa; 2) ákelinetin jylyjaı jabdyqtaryna arnalǵan qarjylyq lızıng shartynyń bolýy; 3) ákelinetin jylyjaı jabdyqtaryn qoldanýǵa arnalǵan bıznes-josparynyń bolýy; 4) jylyjaı qurylysyna arnalǵan jer ýchaskesiniń bar ekendigin rastaıtyn qujattardyń bolýy (menshik quqyǵynda nemese jer paıdalaný quqyǵynda). 2. Satyp alý-satý sharty negizinde jylyjaı ákelýge lısenzııa alý úshin qujattar: 1) ákelinetin jylyjaı jabdyqtaryn qoldanýǵa arnalǵan bıznes-josparynyń bolýy; 2) jylyjaı qurylysyna jer ýchaskesiniń bar ekendigin rastaıtyn qujattardyń bolýy (menshik quqyǵynda nemese jer paıdalaný quqyǵynda); 3) ákelinetin jylyjaıdy maqsatty paıdalaný týraly syrtqy ekonomıkalyq qyzmetke qatysýshynyń mindeti.