Keıingi jyldary elimizge Azııa elderinen keletin ınvestısııa kólemi aıtarlyqtaı artty. Eýrazııalyq damý bankiniń dereginshe, ásirese bizdiń el Ortalyq Azııadaǵy negizgi ınvestısııa qabyldaýshy elderdiń birine aınalyp otyr, dep jazady Egemen.kz.
Jalpy alǵanda, 2016 jyldan bastap 2025 jyldyń birinshi jartyjyldyǵyna deıin Azııa elderinen Eýrazııalyq óńirge tartylǵan jınaqtalǵan ınvestısııalar kólemi 2,3 esege ósip, 29,9 mlrd dollardan 68 mlrd dollarǵa jetken. Bul – buryn-sońdy bolmaǵan kórsetkish. Investorlarǵa Ortalyq Azııa barǵan saıyn qyzyqty óńirge aınalyp kele jatqanyn osy sandardyń ózi-aq ańǵartady.
Prezıdent: Jańa ári sapaly ınvestısııa tartýǵa arnalǵan birtutas strategııa qajet
2025 jyldyń alǵashqy 6 aıynyń qorytyndysy boıynsha, Azııadan kelgen barlyq jınaqtalǵan tikeleı ınvestısııanyń 57%-y dál Ortalyq Azııa elderine tıesili bolǵan. Elderge jeke-jeke qarasaq, ınvestısııa kólemi jaǵynan О́zbekstan aldyńǵy orynda tur. Bul elge Azııadan 22,6 mlrd dollar tartylǵan. Odan keıin Túrikmenstan keledi, onda ınvestısııa kólemi 20,6 mlrd dollardy quraǵan. Qazaqstan bul tizimde 19,3 mlrd dollarmen 3-orynda tur. Qalǵan úles Qyrǵyzstan men Tájikstanǵa tıesili.
2029 jyly negizgi kapıtalǵa salynatyn ınvestısııalar 2,5 ese artady
Elimizdiń ekonomıkasyna salynǵan 19,3 mlrd dollardyń negizgi bóligi Qytaı, Parsy shyǵanaǵy elderi, Túrkııa jáne Úndistan kompanııalarynan kelgen. Keıingi jyldary ásirese Parsy shyǵanaǵy elderiniń belsendiligi artyp, ınvestısııalyq ósimniń mańyzdy qozǵaýshy kúshine aınalǵany baıqalady.
Tehnologııalyq alpaýyttar jasandy ıntellektige 700 mlrd dollar ınvestısııa saldy
Salalar boıynsha da aıtarlyqtaı ózgeris bar. Buryn Azııa ınvestısııasynyń negizgi bóligi shıkizat sektoryna baǵyttalsa, qazir jaǵdaı ózgerip keledi. 2025 jyldyń ortasyna qaraı óńdeýshi ónerkásip aldyńǵy qatarǵa shyǵyp, ózara tikeleı ınvestısııalardyń eleýli bóligin quraǵan. Sonymen qatar energetıka salasy da ınvestorlardyń nazaryn kóbirek tarta bastady. Ásirese elektr energetıkasy men jańartylatyn energııa kózderi jańa ınvestısııalyq baǵyt retinde qalyptasyp otyr.