Almatylyq «Qaırat» klýbynyń bas bapkeri Rafael Ýrazbahtın komandasynyń «Zenıtke» qarsy (0:2) joldastyq oıyndaǵy jeńilisine qatysty pikir bildirdi, dep habarlaıdy Egemen.kz.
Ýrazbahtınniń aıtýynsha, komandanyń oıyny alǵashqy taımda «birshama passıvti» bolǵan.
«Birinshi taımda oıynǵa baıaý kiristik, azdap belsendiligimiz jetispedi. Qarsylas shıraq oınady, qanattarda bizden asyp tústi, al jekpe-jekterde kúshimiz jetpedi. Goldyq sátter dál osy qanattyq shabýyldardan keıin týyndady. Úziliste jigitterge jospar boıynsha oınaýdy jalǵastyrýdy suradyq, nátıjesinde ekinshi taım teń dárejede ótti», dedi bapker.
Sondaı-aq Ýrazbahtın «Zenıtke» jáne stadıonǵa kelgen jankúıerlerge alǵys aıtty.
«Atmosfera keremet boldy. Mundaı matchtar kóp bolsa eken. Aldymyzǵa qoıǵan júktemeni oryndadyq. Oıynshylarǵa kem degende bir gol soǵý mindetin qoıdyq, sol kezde qosymsha energııa paıda bolar edi. Olar oınaýdy jalǵastyrdy, biraq sońǵy fazada sapa jetispedi. Bir gol soǵýǵa múmkindik boldy, biraq júzege aspady», dedi Ýrazbahtın «Match TV» tikeleı efırinde.
«Qaırat» joldastyq matchta «Zenıtten» jeńildi