2026 jylǵy 30 naýryzda Qazaqstan aýmaǵynda birden birneshe qaýipti aýa raıy qubylystary kútiledi, dep habarlaıdy Egemen.kz.
Sınoptıkterdiń málimetinshe, el óńirlerinde tuman, naızaǵaı, qatty jel boljansa, shyǵys pen ortalyq aımaqtarda sý deńgeıiniń kóterilýi men sý basý qaýpi bar.
Naızaǵaı, jańbyr jáne qatty jel
Batys óńirlerde aýa raıy turaqsyz bolady. Atyraý jáne Mańǵystaý oblystarynda jańbyr men naızaǵaı kútiledi, keı jerlerde nóser bolýy múmkin. Jeldiń jyldamdyǵy 15-20 m/s deıin kúsheıedi.
Sondaı-aq ekpindi jel Aqtóbe oblysynda, Ulytaý oblysynda, Jetisý jáne Almaty oblystarynda da boljanyp otyr.
Tuman birneshe óńirdi qamtıdy
Soltústik, shyǵys jáne ortalyq aımaqtarda qalyń tuman túsedi. Atap aıtqanda, Aqmola, Qaraǵandy, Qostanaı, Pavlodar, Soltústik Qazaqstan, Shyǵys Qazaqstan oblystarynda, sondaı-aq Abaı oblysynda jáne Kókshetaý, Semeı, Pavlodar, Petropavl, О́skemen qalalarynda tuman bolady.
Osyǵan baılanysty túngi jáne tańǵy ýaqytta joldaǵy kóriný deńgeıi kúrt tómendeıdi.
Negizgi qaýip – sý tasqyny
Eń kúrdeli jaǵdaı Abaı, Shyǵys Qazaqstan, Pavlodar jáne Qaraǵandy oblystarynda qalyptasýy múmkin.
Kúnniń jylynýyna baılanysty qar qarqyndy erip, ózenderde muz júrý prosesi bastalyp, sý deńgeıi kóterilip keledi. Sonyń saldarynan ózenderdiń tasýy, joldardy sý basýy jáne eldi mekenderdi sý basý qaýpi bar. Keı jerlerde sý deńgeıi qaýipti shekke jaqyndap qalǵan.
Oraldaǵy Jaıyq ózeninde sý deńgeıi bir metrge deıin kóterildi
Ońtústikte órt qaýpi joǵary
Túrkistan jáne Qyzylorda oblystarynda, Jetisý oblysynyń ońtústiginde jáne Qostanaı oblysynyń ońtústiginde joǵary órt qaýpi jarııalandy.