Ál-Farabı atyndaǵy Qazaq ulttyq ýnıversıtetinde «Konstıtýsııalyq reforma: Uly dala memlekettiliginiń jańa belesi» taqyrybynda dóńgelek ústel ótti. Ýnıversıtettiń jetekshi tarıhshylary, quqyqtanýshylary men ǵalymdary eldegi aýqymdy saıası ózgeristerdi tarıhı mura men ulttyq biregeılik turǵysynan talqylady, dep jazady Egemen.kz.
Jıyndy bastap bergen tarıh fakýltetiniń dekany Dosbol Baıǵonaqov qazirgi reformalardyń elimizdiń bolashaǵy úshin mańyzdylyǵyn erekshe atap ótti. Ol Memleket basshysynyń bastamasymen júzege asyrylyp jatqan reformalardyń adamǵa baǵyttalǵan basqarý modeliniń aınasy ekenin atap ótti.
«Biz, tarıhshylar, úshin bul reformalar erekshe mánge ıe: bul – Uly dala memlekettiliginiń tarıhı sabaqtastyǵyn zań júzinde bekitýdiń jańa kezeńi jáne ádiletti Qazaqstan qurý jolyndaǵy berik quqyqtyq negiz. Búgin qabyldanatyn sheshimder erteńgi tarıhtyń ózegine aınalady», dedi Dosbol Baıǵonaqov.
Medısına fakýltetiniń stýdentteri jańa Konstıtýsııa jobasyn talqylady
Qatysýshylar demokratııalyq ınstıtýttardyń evolıýsııasyna erekshe nazar aýdardy. Professor Bereket Káribaev baıandamasynda ejelgi dástúrler men qazirgi zaman arasyndaǵy uqsastyqtardy keltirdi. Onyń pikirinshe, Uly dala demokratııalyq dástúrleri ejelgi dalalyq zańdardan bastaý alyp, qazirgi Konstıtýsııada logıkalyq jalǵasyn tabady, bul memlekettik qurylymnyń turaqtylyǵyn qamtamasyz etedi.
Halyqaralyq qaýymdastyq Konstıtýsııalyq reformanyń ashyqtyǵyn baǵalady
Professor Amanjol Qalysh halyq ókildiginiń ınstıtýttaryn jańǵyrtý máselesine toqtaldy. Ol konstıtýsııalyq ózgerister aıasynda Ulttyq quryltaıdyń jańa mártebege ıe bolǵanyn erekshe atap ótti. Spıkerdiń aıtýynsha, jańa Konstıtýsııadaǵy Kuryltaıdyń orny men róli memlekettiń qoǵamdy konsolıdasııalaýǵa jáne mańyzdy saıası sheshimder qabyldaýda halyqtyń pikirin eskerýge degen umtylysyn kórsetedi.
Ǵylymı qaýymdastyq «Halyqtyq Konstıtýsııa úshin» koalısııasyn qoldady
Kezdesý barysynda sondaı-aq «Alash» qozǵalysy qaıratkerleriniń konstıtýsııalyq ıdeıalary men «Ádiletti Qazaqstan» tujyrymdamasynyń úndestigi talqylandy. Qatysýshylardyń pikirinshe, qazirgi konstıtýsııalyq reforma bılik tarmaqtary arasyndaǵy tepe-teńdikti kúsheıtip qana qoımaı, memleket pen azamattar arasyndaǵy ózara senimge negizdelgen jańa qoǵamdyq kelisim qalyptastyrady.