Oblystyq bıýdjetten bólingen 49 mln. 346,0 myń teńgege memleket jáne qoǵam qaıratkeri Mustafa Shoqaıdyń eskertkishi jasalyndy, dep habarlady qala ákimdigi.
Alyp eskertkishtiń bıiktigi - 6 metr, búgingi kúni eskertkish ornatýǵa tolyq daıyn tur.
Eskertkish 3 natýralyq ólshemde, qola materıalynan quıylǵan. Avtory - Qazaqstan Sýretshiler odaǵynyń múshesi, músinshi Kósher Baıǵazıev.
Búgingi tańda Qyzylorda qalasynyń ortalyǵynan eskertkishtiń orny belgilenip, «Mustafa Shoqaı atyndaǵy qoǵamdyq qordyń» qarjysy esebinen bıiktigi 6 metrdi quraıtyn granıt postamenttiń qurylysy júrgizilýde. Eskertkishti ornatýǵa Qazaqstan Respýblıkasynda ornatylatyn eskertkishter men monýmentter jónindegi Memlekettik komıssııanyń hattamalyq sheshimimen kelisim alynǵan.