25 qarasha kúni Qyzylordada aqyn, telejýrnalıst, QR teleradıohabarlar taratýshylar ulttyq qaýymdastyǵynyń prezıdenti jáne «Qoǵam TV» telearnasynyń quryltaıshysy Shahızada Ábdikárimovtyń 60 jyldyq mereıtoıyna arnalǵan shyǵarmashylyq kesh ótti. Sharaǵa Qyzylorda oblysynyń ákimi Qyrymbek Kósherbaev qatysty.
- Shahızada О́tetileýuly shyǵarmashylyq jolyn Keńes jyldarynda bastaǵan jáne áli kúnge deıin shyǵarmashylyqtan qol úzgen joq. Ol kezeńderde Shákızada О́tetileýuly talantty jýrnalıst boldy, al qyzmet baǵyttaryn bir arnaǵa toǵystyrý kez kelgenniń qolynan kele bermeıdi. Budan bólek ol – aımaq ekonomıkasynyń damýyna zor úlesin qosqan oblystyq máslıhat depýtaty,- dedi aımaq basshysy.
Shyǵarmashylyq keshte Shahızada Ábdikárimovtyń óleńderi oqylyp, onyń sózine jazylǵan ánder shyrqaldy. Sondaı-aq, avtordyń «Súleı darııa» atty óleńder kitabynyń, «Tárjima» qyrǵyz aqyndarynyń aýdarmalar jınaǵynyń, «Alpys qulan qaıyrǵan» jınaǵynyń jáne Baýyrjan Omarovtyń Shahızada Ábdikárimovke arnap jazǵan «Gladıator» kitabynyń tusaýy kesildi.