Bıyl Yrǵyz-Torǵaı tabıǵı rezervaty aýmaǵy 410 myń gektarǵa ulǵaıtylady.
Bul týraly búgin QR Parlamenti Májilisinde ótip jatqan «О́simdikter men janýarlar dúnıesin qorǵaýdyń, ósimin molaıtýdyń jáne olardyń obektilerin ornyqty paıdalanýdyń ózekti máseleleri» taqyrybynda ótip jatqan dóńgelek ústel otyrysy barysynda Aýyl sharýashylyǵy vıse-mınıstri Erlan Nysanbaev málimdedi.
«Bıologııalyq sanalýandyq pen tabıǵı ekojúıelerdi saqtap qalýdyń eń tıimdi sharasy – erekshe qorǵalatyn tabıǵı aýmaqtardy damytý. Qazaqstan 1994 jyly qosylǵan Bıologııalyq sanalýandylyq týraly konvensııada erekshe qorǵalatyn tabıǵı aýmaqtardyń kólemin árbir elde 2020 jylǵa qaraı 17 paıyzǵa deıin ulǵaıtý kózdelgen. Elimizde erekshe qorǵalatyn tabıǵı aımaqtardyń jalpy kólemi 24 mln. gektardy nemese el aýmaǵynyń 8,8 paıyzyn quraıdy. Konvensııa usynystaryn oryndaý úshin biz erekshe qorǵalatyn tabıǵı aýmaqtardy 46,3 mln. gektarǵa jetkizýimiz, ıaǵnı, 22,3 mln. gektarǵa ulǵaıtýymyz qajet», – dedi Nysanbaev.
Onyń atap ótýinshe, sońǵy jyldary respýblıkada erekshe qorǵalatyn tabıǵı aýmaqtar jelisin odan ary damytý boıynsha birqatar jumys júrgizilip jatyr. Máselen, 2013-2015 jyldary aralyǵynda 7 jańa erekshe qorǵalatyn tabıǵı aýmaq qurylyp, burynnan bar 6 aýmaqtyń alqaby keńeıtilgen.
«Bıyl Yrǵyz-Torǵaı tabıǵı rezervaty aýmaǵyn 410 myń gektarǵa ulǵaıtý is-sharalary júrgizilýde», – dedi vıse-mınıstr.