Qasym-Jomart Toqaev kúrdeli úderisterde ǵalymdar erekshe ról atqaratynyn atap ótti. О́ıtkeni olar órkenıet qundylyqtaryn dáriptep, sanatkerlik jáne moraldyq qasıetterimen kópke úlgi kórsetedi, dep jazady Egemen.kz.
Prezıdenttiń aıtýynsha naǵyz ǵalymdar eskilik pen qarańǵylyqqa qarsy kúrestiń alǵy shebinen tabylyp, aǵartýshylyq pen bilim jolynda árdaıym top bastaǵan.
Prezıdent Konstıtýsııany ázirleýge úles qosqan ǵalymdarǵa rızashylyǵyn bildirdi
«Álemniń ekinshi ustazy ál-Farabı dóp basyp aıtqandaı, «Tárbıesiz berilgen bilim – adamzattyń qas jaýy». Sondyqtan gýmanızm, ádildik, jaýapkershilik qundylyqtary saltanat quryp, óskeleń urpaqty adamgershilikke jáne zańdy qurmetteýge tárbıelegende ǵana shynaıy órkendeýge bet alamyz. Bizdiń qoǵam jaqsy men jaman týraly destrýktıvti túsinikterdiń jetegine ermeýge tıis, tól bolmysymyzǵa jat dúnıetanymǵa kózsiz senbeýi qajet. Onyń saldary aýyr bolady. Yntymaq-birligimiz ben turaqtylyǵymyzdyń irgesin shaıqap, áleýmettik jáne ultaralyq alaýyzdyqty qozdyrǵysy keletinderdiń áreketine zań júzinde qatań tosqaýyl qoıylady. Konstıtýsııada jazylǵandaı, elimizde zań men tártip ústemdik qurýy kerek. Ǵalymdarymyz únsiz qalmaı, qoǵamda, ásirese, jastar arasynda jaýapkershilik pen tártip qaǵıdattaryn dáripteýi qajet dep sanaımyn. Quqyqtyq nıgılızmge jol joq. Bizdiń tańdaýymyz – zańǵa baǵynatyn parasatty qoǵam», dedi Prezıdent.
Quryltaı saılaýy tamyz aıynda ótedi