Túrkııanyń Adana provınsııasyndaǵy Aladag qalasynda jataqhana órtendi. Saldarynan 12 adam qaza tapty. Onyń 11-i oqýshy, al 1-eýi qyzmetker, dep habarlady Lenta.ru.
Oqys oqıǵa 29 qarasha kúni mektep-ınternatynyń oqýshylary turatyn úsh qabatty ǵımaratynda oryn alǵan. Qaza tapqan balalar 10-16 jas aralyǵynda. Budan bólek, zardap shekken 22 adam aýrýhanaǵa jatqyzyldy.
Adana provınsııasynyń gýbernatory Mahmýt Demırtashtyń aıtýynsha, adamdar órtten tereze arqyly qashqan, nátıjesinde keıbiri shynyǵa jaraqattansa, keıbiri tútinge ýlanǵan.
Túrkııa parlamentindegi Adana provınsııasynyń ókili Omer Chelek órt elektr jelilerinen shyqqan bolýy múmkin degen boljam jasady. Bilim mınıstrliginiń málimeti boıynsha, jataqhana 54 oqýshyǵa arnalǵan. О́rt shyqqan kezde ǵımarat ishinde 34 oqýshy boldy.