Murajaı ótkizgen saltanatty kesh

«Uly Dala eli – Táýelsizdiktiń 25 negizi» atty 25 juldyzdy kúndi merekeleý aıasynda Jezqazǵan tarıhı-arheologııalyq murajaıy «Juldyzdy saǵat» atty saltanatty kesh ótkizdi. Kesh qonaqtary aldymen elimizdiń Táýelsizdik jyldaryndaǵy jetistikterine arnalǵan kórmemen tanysyp, Ǵaryshtaný zalyna ekskýrsııa jasady. Osy jerde 25 jyl buryn ǵaryshqa samǵaǵan tuńǵysh qazaq Toqtar Áýbákirov týraly derekti áńgimeler aıtyldy. Sonymen qatar, qurylǵanyna 25 jyl tolǵan «Aq ájeler» folklorlyq-et­no­­grafııalyq ansambline qurmet kór­seti­­lip, Táýelsizdiktiń qurdastary – №10 orta mekteptiń qazaq tili men ádebıeti páni­niń muǵalimi Jansaıa Súleımenova men tarıhı-arheologııalyq murajaıdyń qyzmetkeri Svetlana Seferbegova ómir men eńbektegi jetistik syrlarymen bólis­ti. Al murajaıdyń «Amanat» teatr-stý­dııa­sy, Amangeldi Imanov bastaǵan ult-azat­tyq kóterilisiniń 100 jyldyǵyna oraı, kópshilik nazaryna «Shabýyl aldyndaǵy tún» atty qoıylymdy usyndy. Osy sharanyń aıasynda tarıhı-arheo­­logııalyq murajaıdyń dırektory Zınaı­da Chýmakova «Lýchshıı ız lýchshıh» halyq­aralyq baıqaýynyń jeńimpazy, jas ánshi Raıymbek Arystanovty Qurmet gramo­tasymen marapattady. «Juldyzdy saǵat» kezdesýine qaty­sý­shylar el Táýelsizdiginiń 25 jyl­dy­ǵy­na arnalǵan derekti fılmdi úl­ken qyzyǵýshylyqpen tamashalady. Aıta ketý kerek, jaqynda Astanadaǵy Ulttyq mýzeıde ótken «Úzdik murajaı» respýb­lı­kalyq baıqaýynda Jezqazǵan tarıhı-arheologııalyq murajaıy «Qala­lyq mańyzdaǵy úzdik memlekettik murajaı» degen ataqqa ıe boldy. «Uly Dala eli – Táýelsizdiktiń 25 ne­gizi» aksııasynyń sheńberinde Jezqazǵan qalasynda 40-tan astam is-shara ótkizý josparlanǵan. Onyń ishinde jastardyń túrli sharalary, fleshmobtar, baıqaýlar men debattar, kórmeler men dóńgelek ústel­der, tarıhı-tanymdyq jáne shyǵar­ma­shylyq keshter, sporttyq saıystar bar. Taıaýda jergilikti ýnıversıtette halyq­aralyq Baıqońyrov oqýlary, «Máńgilik El» ıdeıasyndaǵy Ulytaýdyń tarıhı máni» ǵylymı-tájirıbelik konferensııasy, «Áıel. Qoǵam. Dástúr» atty áıelder forý­my, etnomádenı birlestikterdiń «Urpaq­qa maqtan, daýylpaz dastan, táýel­siz Qazaqstan» festıvali ótedi. «Jaltyr­bulaq» kenishiniń altyndy kenderin siltisizdendirý men óńdeý kesheni jáne eki birdeı kondıterlik óndiris te jaqynda osy aksııanyń aıasynda iske qosylady. 25 juldyzdy kúnniń sońynda Jezqaz­ǵan qalasynyń turǵyndary men qonaq­taryna úlken konserttik baǵdarlama tartý etilmek. Qaırat ÁBILDINOV, «Egemen Qazaqstan» Qaraǵandy oblysy, Jezqazǵan qalasy