Byltyr el ekonomıkasynyń kólemi 300 mlrd dollarǵa jetti. Osy kezeńde ákimshilik aıyppuldardan túsken qarjy da aıtarlyqtaı ósti. Alaıda jol-kólik apattarynan kelgen adam shyǵyny bul kórsetkishterge basqa qyrynan qaraýdy talap etedi, dep jazady Egemen.kz.
Adam ómiriniń qunyn aqshaǵa shaqtaý – aýyr ári daýly taqyryp. Degenmen ekonomıkalyq saldardy baǵalaý úshin shartty esepke júginýge týra keledi. Elimizde jan basyna shaqqandaǵy ishki jalpy ónim (IJО́) – shamamen 15 myń dollar. Ortasha eńbek etý merzimin 40 jyl dep alsaq, bir adamnyń ekonomıkalyq áleýeti 600 myń dollar shamasynda.
45 jol apaty tirkeldi: Astana polısııasy júrgizýshilerge úndeý jasady
2025 jyly jol apatynan 2 330 adam kóz jumdy. Osy derektiń ózinen-aq tek ólim-jitim saldarynan kelgen ekonomıkalyq shyǵyn 1,4 mlrd dollardan asady. Bul – aıyppul arqyly jınalǵan qarajattan birneshe ese kóp soma.
Táýelsiz sarapshy Erlan Kárimov sońǵy on jyldaǵy ahýaldy «Sergek» júıesiniń qaıshylyǵy retinde sıpattaıdy.
«2015 jyldan 2025 jylǵa deıin aıyppul kólemi 56,8 mlrd teńgeden 315,6 mlrd teńgege deıin ósti, ıaǵnı 5,5 ese artty. Al osy aralyqta jol-kólik oqıǵalarynyń sany 18 917-den 36 146-ǵa deıin kóbeıdi», deıdi ol.
Taksı qyzmeti: Salyq kodeksi júrgizýshilerge qalaı áser etedi?
Bas prokýratýra janyndaǵy Quqyqtyq statıstıka jáne arnaıy esepke alý organdarynyń málimeti de oılandyrmaı qoımaıdy. Sońǵy on jylda tirkelgen ákimshilik quqyq buzýshylyqtar sany 17,6 mln-ǵa jetken. Bul – tórt ese ósim.
«Nátıjesinde eldegi ár adamǵa, tipti sábılerdi qosa eseptegende, orta eseppen bir quqyq buzýshylyqtan keledi. Quqyq buzýshylyq jappaı qubylysqa aınalǵan jerde aıyppul tárbıeleý tetigi bolýdan qalady», dep atap ótti sarapshy.
Máseleniń túp-tórkini jazalaýdyń ózinde emes, aldyn alýdyń álsizdiginde jatyr. Erlan Karımovtiń pikirinshe, Qazaqstan jol qaýipsizdigin jaqsartýdy kózdese, tek aıyppulǵa súıengen tásilden bas tartyp, Vision Zero – joldaǵy ólimdi nólge jetkizý qaǵıdatyna bet burýy kerek. Kameralar tártip buzǵandy anyqtaıdy, biraq apatty boldyrmaıdy.
Jol-kólik oqıǵalarynyń aldyn alý: Drondar ıesiz jaıylǵan maldy anyqtaıdy
Sondyqtan sarapshy naqty sheshim usynady. Onyń aıtýynsha, aıyppuldan jınalatyn 315 mlrd teńgeni eldegi negizgi trassalarda qarsy baǵyttaǵy kólik aǵyndaryn beton nemese metall tosqaýyldarmen bólýge baǵyttaý qajet.
«Mundaı qorshaýlar mańdaıdan soqtyǵysatyn apattardy joıady. Al dál osy apattar joldaǵy ólim-jitimniń negizgi sebebi bolyp otyr», deıdi ol.