Memleket basshysy Air Astana kompanııasynyń bas atqarýshy dırektory Pıter Fosterdi qabyldady, dep jazady Egemen.kz Aqordanyń baspasóz qyzmetine silteme jasap.
Kezdesýde avıasııa salasyn damytý máseleleri talqylandy. Qasym-Jomart Toqaev Air Astana kompanııasynyń Eýrazııadaǵy jetekshi avıatasymaldaýshylardyń birine aınalýǵa Pıter Fosterdiń eleýli úles qosqanyn atap ótti.
Áńgimelesý barysynda Qazaqstan men AQSh arasynda tikeleı áýe qatynasyn ashý, sondaı-aq atalǵan reısterdi oryndaý úshin alys qashyqtyqqa ushatyn áýe kemelerin satyp alý máselelerine den qoıyldy.
Prezıdent otandyq avıasııanyń básekege qabilettiligin odan ary arttyrý qajet ekenin aıtty.
Buǵan deıin Memleket basshysy Grýzııanyń Ishki ister mınıstrin qabyldaǵanyn habarlaǵanbyz.
Sondaı-aq Prezıdent Japonııa Imperatorynyń týǵan kúnine oraı quttyqtaý jedelhatyn joldady.