Qazaqstanda Agroónerkásip kesheniniń eksporttaý ortalyǵy qurylady. Bul týraly Ortalyq kommýnıkasııalar qyzmetinde ótken baspasóz konferensııasynda Aýyl sharýashylyǵy vıse-mınıstri Gúlmıra Isaeva málim etti.
«Syrtqy naryqta ónimdi ilgeriletý kezinde otandyq aýyl sharýashylyǵy taýarlaryn óndirýshilerdi qoldaý maqsatynda, «Kaznex invest» AQ jáne «QazAgroGarant» AQ-nyń birigýimen, «Azyq-túlik korporasııa» AQ bazasynda AО́K Eksporttyq ortalyǵyn ashý josparlanýda», – dep atap ótti G. Isaeva.
Onyń aıtýynsha, Ortalyqtyń mindetine aýyl sharýashylyǵy taýarlaryn óndirýshilerdi servıstik jáne qarjylyq qoldaý men olarǵa arnalǵan eksporttyq arnalardy uıymdastyrý enetin bolady. Naqtyraq aıtqanda, ortalyq saýda mindeti men zonttyq brendterdi ilgeriletý, sheteldegi kórmeler men jármeńkelerde oryn usyný túrindegi qoldaý, ónimderdi múmkin bolatyn naryqta ótkizý týraly aqparatty aýyl sharýashylyǵy taýarlaryn óndirýshilerge berý jáne izdeýmen aınalysady.
«Eksporttyq arnalar bóliginde ortalyq áleýetti satyp alýshylardy izdeý, ónimdi jetkizý týraly satyp alýshylarmen jáne saýda jelilerimen kelisimshart jasaıdy. Budan basqa, ortalyq eksporttyq arnalar ashý maqsatynda taýarlar toptamasyn qalyptastyrý úshin ónimdi satyp alýdy júzege asyrýy múmkin, – dedi vıse-mınıstr. – Sondaı-aq, memlekettik baǵdarlama aıasynda eksportttaý ortalyǵy saýdalyq qarjylandyrý, eksporttyq kelisimsharttardy saqtandyrý, ilgeriletý men logıstıkaǵa arnalǵan eksporttyq granttardy usynatyn bolady. Ortalyqtyń qoldaý kórsetýiniń arqasynda iri toptamalardy qalyptastyrýǵa múmkindikteri bar aýyl sharýashylyǵy taýarlaryn óndirýshilerge tikeleı jáne kóliktik-logıstıkalyq nemese kóterme-taratý ortalyqtarynda ónimdi satý arqyly sheteldik naryqqa shyǵý múmkindigi paıda bolady».
Sonymen birge, vıse-mınıstr 2017-2021 jyldarǵa arnalǵan AО́K damytý memlekettik baǵdarlamasynda organıkalyq ónimder brendin ilgeriletý men nysanaly eksporttyq saıasatty qurý qarastyrylǵanyn jetkizdi.
Aıdar О́risbaev, "Egemen Qazaqstan".