Elimiz Vetnamǵa astyqtyń alǵashqy 700 tonnasyn jóneltýdi josparlap otyr. Bul týraly búgin Ortalyq kommýnıkasııalar qyzmetinde Aýyl sharýashylyǵy vıse-mınıstri Gúlmıra Isaeva málimdedi.
«Qazirgi ýaqytta bizdiń QHR-daǵy elshilikpen, «KAZNEX INVEST» agenttiginiń ókildigimen jáne «Qazaqstan temir joly» AQ-men birge, Vetnamǵa qazaqstandyq bıdaıdyń alǵashqy partııasyn jiberý boıynsha jumystar atqarylyp jatyr. Bul óz kezeginde Qytaıdyń Lıanıýngan portyndaǵy bizdiń termınaldyń salynýynyń arqasynda múmkin boldy. Ol onda bizdiń astyqty saqtaýǵa qajetti qoımalarmen qamtamasyz etilgendikten, qazaqstandyq astyqtyń partııasyn qura alamyz. Aıta keterligi, bizdiń bıdaıdyń quramynda balaýyz deńgeıi joǵary bolǵandyqtan, sheteldik naryqta óte úlken suranysqa ıe», - dedi Isaeva.
Vıse-mınıstrdiń málimetterine sáıkes, 2016-2017 jylǵy marketıngtik jyly bastyrylǵan astyqtyń alǵashqy salmaǵynyń jalpy kólemi 23,7 mln. tonnany quraǵan.
«Biz bıyl 9 mln. tonna astyqty shetelge eksporttaýdy maqsat etip otyrmyz. Kelesi jyldan bastap, egistik alqaptardaǵy dándi-daqyldardyń alýandyǵyna úlken mán bermekpiz. Bizdiń astyq negizinen О́zbekstan, Tájikstan, Reseı Federasııasy, Iran jáne Qytaı elderine eksporttalady», - dedi vıse-mınıstr.