Aqmola oblysynyń əkimi Sergeı Kýlagın Egindikól aýdanyna jumys sapary barysynda Poltavka aýylynda mədenı demalys ortalyǵynyń ashylý saltanatyna qatysty, dep habarlaıdy əkimdiktiń baspasóz qyzmeti.
Aýdanǵa jumys sapary barysynda aımaq basshysy Poltavka aýylyndaǵy «Sarymsaqty» seriktestiginiń áleýmettik-turmystyq nysanyn aralap kórip, «Poltavka Blok Stroı» seriktestiginiń ónim kórmesimen tanysty. Kásiporynnyń basshysy Oralbaı Glashevtiń aıtýynsha, munda jylyna 5,5 myń tekshe metr qum, kóbikti jáne gaz bloktaryn jasap shyǵaryp, ishki naryqta satady. О́ńir basshysy 120 oryndyq dámhana men osynda ornalasqan bılıard zalyn, tushpara sehyn aralap kórdi. Atalmysh sehta aýysymyna 5 keli tushpara óndiriledi. Budan soń Sergeı Kýlagın memlekettik jekemenshik seriktestigi aıasynda salynǵan mádenı demalys ortalyǵynyń ashylý saltanatyna qatysyp, quttyqtaý sóz sóıledi.
Ǵımaratta kitaphana, 120 oryndyq májilis, sport jáne bılıard zaldary, saýna men basseın bar. Oǵan qosa, «О́ńirlerdi damytý» baǵdarlamasy aıasynda respýblıkalyq bıýdjet esebinen balalardyń oıyn alańy salynyp otyr. Seriktestik basshysy Oralbaı Glashevtyń aıtýynsha, ortalyq óz bý qazandyǵy arqyly jylytylady. Ortalyqtandyrylǵan aýyz sýmen qamtamasyz etilgen.
Osy kúni aımaq basshysy Egindikól ortalyq aýdandyq aýrýhanasynda bolyp, dərigerler ujymymen kezdesti. Aǵymdaǵy jóndeýden ótken perzenthanany, hırýrgııa, terapevt jáne balalar bólimshelerin aralap kórdi. Bıyl respýblıkalyq bıýdjetten qomaqty qarjy bólinip, sý jáne jylý qubyrlary jóndelipti. QR Úkimetiniń arnaıy rezervinen qomaqty qarjy bólinip, kir jýatyn nysan qalpyna keltirilgen.
Jumys sapary barysynda oblys ákimi jergilikti azamattardy jeke máseleleri boıynsha qabyldady. Odan əri aýdan aktıvimen kezdesip, aýdan ákimi Narıman Tólepovtyń bıylǵy jyldyń 10 aıyndaǵy áleýmettik-ekonomıkalyq damý qorytyndysy jónindegi esebin tyńdady.