Qaraǵandyda «Keń dala» jańa yqsham aýdanynda «Shyńyraq» balabaqshasy ashyldy, dep habarlady oblys ákimdiginiń baspasóz qyzmeti.
Balabaqsha otbasylyq qundylyqtardy nasıhattaýǵa arnalǵan jalpyulttyq «25 juldyzdy» kún aksııasy aıasynda saltanatty túrde ashyldy.
Balabaqshanyń ashylý saltanatyna oblys ákimi Nurmuhambet Ábdibekov qatysty. Aımaq basshysy mektepke deıingi mekemege óziniń syılyqtarymen keldi – teledıdar jáne elektrondy pıanıno.
Jas otbasylar kóp shoǵarylanǵan jańa yqshamaýdandaǵy balabaqshanyń qurylysy kópten beri josparlanǵan bolatyn. Balabaqsha, teńdessiz jobanyń negizinde salynǵan ǵımaratta ornalasqan. Munda taǵam tasymaldaýǵa arnalǵan lıft bar jáne jatyn bólmeler oqshaýlanǵan. Barlyq sanıtarlyq talaptar saqtalǵan. Zamanaýı mýzyka jáne sport zaldary bar. Balalarǵa bilim berýge jáne tárbıeleýge qajetti barlyq jaǵdaılar jasalǵan.
Balabaqshanyń ashylýy qosymsha jańa jumys oryndarynyń paıda bolýyna da yqpal etti. Baqshada 80-ge jýyq qaraǵandylyq azamat eńbek etýde. Búginde mektepke deıingi mekeme óz shákirtterin qabyldaýda.
- Balabaqshalar tek bıýdjet qarajatyna ǵana salynbaıtyndyǵyn aıtyp ótkip keledi. Bizdiń kásipkerlerimiz, jańa balabaqshalar ashyp, muny bıznes kózine aınaldyrý týraly usynysymyzdy qabyl aldy. Osy aralyqta oblysymyzda 27 jekemenshik balabaqsha ashyldy. Biz osy baǵyt boıynsha jumystarymyzdy jalǵastyra beremiz, mektepke deıingi mekemeler qurylysyna qatysty aldaǵy tańda da óz josparlarymyz bar. Elbasymyzdyń 2020 jylǵa deıin barlyq búldirshindi balabaqshamen qamtamasyz etý týraly qaýlysyn oryndaı alamyz dep senemin, - dedi oblys ákimi.
Sondaı-aq, «Shańyraq» balabaqshasynda «Analar mektebi» ortalyǵy ashyldy. Munda mektepke deıingi mekeme pedagogtaryna, psıhologtarǵa, mektep jasyna deıingi balalardyń ata-analaryna trenıngter ótkiziledi.