Erteń Aýstrııada prezıdent saılaýy bolady. Qazir saılaýaldy naýqan tolyǵymen toqtatyldy, dep habarlaıdy Euronews.
Mamyr aıynda ótken saılaýda Aleksandr Van der Bellen 0,6 paıyz aıyrmashylyqpen qarsylasy Norbert Hoferden basym túsken edi. Biraq Konstıtýsııalyq sot daýystardy esepteý barysynda anyqtalǵan quqyq buzýshylyqtar úshin bul nátıjeni joqqa shyǵaryp, qaıtadan saılaý ótkizý týraly sheshim shyǵarǵan bolatyn. Sóıtip, aldymen 2 qazanǵa belgilengen saılaý keıin 4 jeltoqsanǵa aýystyryldy.
“Bul saılaý - eki kandıdat arasyndaǵy kúres emes. Bul memlekettiń bolashaǵyn anyqaıtyn sheshim", deıdi Van der Bellen. Al Norbert Hofer: "Kóptegen jýrnalıster Aýstrııa Eýroodaqtan shyǵady ma dep surap jatyr. Joq. Aýstrııa Eýropanyń bel ortasynda ornalasqandyqtan, Eýroodaqtyń damýyna yqpal etýge tyrysatyn bolady", dedi.
Sońǵy júrgizilgen áleýmettik saýalnama nátıjesi boıynsha eki kanıdattyń da jeńiske múmkindikteri teńdeı. Sondyqtan memleket basshysynyń ornyna kim otyratynyn naqty aıtý qıyn.
Esterińizge sala ketsek, Aýstrııanyń burynǵy prezıdenti Haıns Fısher shildede óz ornyn bosatqan bolatyn. Qazir onyń qyzmetin Ulttyq keńes prezıdýmy atqarýda.