Shymkentte qoǵamdyq kóliktiń jańa túri qurastyrylýy múmkin. Qazir jergilikti kásipkerler Belarýstegi avtobýs jasaıtyn zaýytpen ózara kelissóz júrgizip jatyr, dep habarlady 24 Habar arnasy.
Isker top tipti jergilikti jolaýshylar tasymaldaýshy kompanııa ókilderine avtobýstyń alǵashqy nusqasyn alyp kelip tanystyrdy. Kólik qatty otynmen qosa gazben de júredi. Sondyqtan onyń qorshaǵan ortaǵa ekologııalyq zııany ózgelermen salystyrǵanda anaǵurlym az. Oǵan qosa qoǵamdyq kólikte qolarbaǵa tańylǵan jandardyń minip-túsýine yńǵaıly jaǵdaı jasalǵan. Joba júzege assa, jylyna osyndaı 150 avtobýs jınaqtaýǵa múmkindik týady.
Áleýmettik jobaǵa 1 mln dollar kóleminde ınvestısııa alyp kelgen kásipkerler kelesi jyly óz esebinen qosalqy bólshekter shyǵaratyn kásiporyn ashpaq. «Qoǵamdyq kólikti lızıngke berý jaǵy da qaralǵan», - deıdi mamandar.
- Bul tıimdi, bunyń jaqsy jeri eýro-5-pen jáne gazben júredi. Dızelmen de júretini bar. Bizge qaısysy qolaıly keledi, osy jerde tasymaldaýshylar bar, solar qoldasa, sony bastaımyz, deıdi kásiporyn basshysy Baqyt Jasuzaqov.