Qytaıdyń Heılýnszıan provınsııasy Sıtaıhe qalasyndaǵy kómir shahtasynda jarylys bolyp, 21 adam qaza tapty, dep habarlaıdy «Sınhýa» agenttigi.
Qutqarýshylar 21 shahterdiń denesin qırandylar astynan alyp shyqty, qazirgi ýaqytta bir adam izdestýrilýde. Jergilikti BAQ ókilderi shahtanyń lısenzııasy bolmaǵanyn habarlaıdy.
Qytaı álemdegi eń iri kómir óndirýshi el sanalady jáne ondaǵy shahtalarda tótenshe jaǵdaılar jıi bolyp turady.
Máselen, bıylǵy qarasha aıynda Qytaıdyń ońtústik-batysyndaǵy Chýnsına qalasy mańynda ornalasqan ken ornynda jarylys bolyp, 33 shahter qaza tapty. Al qyrkúıek aıynda Nınsıa-Hýeı avtonomdy aýdanyndaǵy shahtada bolǵan jarylystan 18 adam ajal qushty.
«Frans Press» agenttiginiń aqparynsha, resmı málimetterge sáıkes Qytaı shahtalarynda jyl saıyn shamamen myń adam qaza bolady. Degenmen, jergilikti úkimet sońǵy jyldary bul kórsetkishtiń aıtarlyqtaı tómendegenin málimdedi.