QR Ishki ister mınıstrligi Tótenshe jaǵdaılar komıteti Astana qalasynyń turǵyndary men alty oblysqa daýyldy aldyn ala eskertýdi habarlady. Aldaǵy eki táýlik ishinde birneshe aımaqtarda jel kúsheıip, qatty jaýyn jaýýy múmkin. Respýblıkanyń ońtústiginde jaýyn-shashyn kútilýde.
Vedomstva aqparaty boıynsha, Astanada 4-5 jeltoqsan kúnderi táýlik boıy ońtústik shyǵystan ońtústik batysqa aýysatyn, sekýndyna 15-20 metrge deıin jel soǵady. Ýaqytyly boran, kóktaıǵaq.
"3-4 jeltoqsanda Almaty oblysynyń Alakól ózeniniń mańynda ońtústik shyǵystan sekýndyna 18-23 metrge deıin jel soǵady, sekýndyna 30 metrge deıin jetýi múmkin.
4 jeltoqsanda táýlik boıy Ońtústik Qazaqstan, Jambyl oblystarynda, 4 jeltoqsanda Qaraǵandy, Shyǵys Qazaqstan oblystarynda ońtústik batystan sekýndyna 15-20 metrge, sondaı-aq ekpini sekýndyna 25 metrge, ýaqytyly sekýndyna 30 metrge deıin qatty jel soǵýy múmkin.
4 jeltoqsan Ońtústik Qazaqstan, Jambyl oblystarynda, 4 jeltoqsanda kúndiz Shyǵys Qazaqstan oblysynyń keıbir jerlerinde qatty jaýyn jaýady. Tuman túsip, kóktaıǵaq bolady. Al Shyǵys Qazaqstan oblysynda boran kútilýde.
3-4 jeltoqsanda aýa raıyna baılanysty, Ońtústik Qazaqstan jáne Jambyl oblystarynyń tómen taýly ózenderine jaýynnyń kóp túsýine baılanysty, sý tasý, taýdan sý aǵý qaýipi kútilýde",-delingen qutqarýshylardyń habarlamasynda.